1 Petro 1:14 - Biblía Axweesantá Hhohho' ar Mungú 2004

¹⁴ Kuungá' masók a na/aá ilaiwa/amér koomá', slám ma kumiitara' tunduwa uuruxun nee ilatleerirhúng, tidá' taa eehadé' qoomár tunduwa iimi boó/.

Ya/abtór hho' 1977

¹⁴ Kuungá' masók a na/'aá ilaiwa/amér koomá', slám ma kumiitara' tunduwa uuruxun nee ilatleerirhúng, tidá' taa eehadé' qoomár gár ta xua' iwa kahh.

1 Petro 1:14 Iomraidhean Croise

Tlehhema'aá ya/Abuuse 17:30

Qoomaadá' iimi kawa boó/, Mungú muruuwí guna al qiqtlín, asma tawa adór muruú i ga/ayká. Ala hamí muu sleémeero umuúqo diiro gun ádbabáy tawa hhu'u'un.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

Rumi 6:4

Atén tina baatimiís as tiwa haragaasi nee Kristo, nee gwa'araarós kawa dinku'uusaan. Ala ar loohír baatiísmoorene atén tina al foól nee inós, gwa'arár inós ira gwaá' an toorén, as atén tawa hootaán ar slafíngw /abén, adór Kristo kungura waaslee/atís baraá gwa'arár wa ale ar aleesleemuú Mungú nee xirfuuwós.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

Efeso 5:6

Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

DABE 27:10

Gawaá adoorihe afór AAKOÓ MUNGÚ, Munguúhúng iialooeesaak, hara'ayaarós nee kaahirose oohaak, tí laarí naa kuungií hara'ayiím.»

1 Tesalonike 4:5

Ala kuungá' ma hootara' ar ilatleerír tlakw, adoodár múk xoordu ir hooti, kudá' Mungú gu xua'aaká.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.