1 Korinto 9:7 - Biblía Axweesantá Hhohho' ar Mungú 2004

⁷ Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

Ya/abtór hho' 1977

⁷ Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór misabiíbu gaa dahaas, na/'iidá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

1 Korinto 9:7 Iomraidhean Croise

AXWEESANOÓ SAGALOOA 27:18

Heé /aantsírós gaa amohhe'ees mamuuwós gi /aay. Nee heé geeraharusmoowós gu sagadiyuús ku ilaiwawaa/.

AXWEESANOÓ SAGALOOA 27:27

Ilwaá bu'uutá' i sleér, kuúng nee múk do'oge Tam sagadiyuusér do'ók sleeme iri /ayiín.

DAA'AANGW 8:12

Qaymor'eé' ar sabiíbu a te'ér kilá'. Eeít, a te'ér kilá'. Gimáy kuúng Solomon, iwiít ar peésarók ar kumuú wák, nee umuú xumusmoó mamuuwo i iwiiti ar peésaaro ar tsiire tsár.

ISAYA 7:22

Asma hikwaaká' i ló'wa ilwaá koná', inós oongonoó ilwa guri wah. Panaydaá meet baraá ayko oongonoó ilwa nee danuhe ngiri /ayiyá'.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

DABE 18:8

Muruú /aymár i slay aqo in alqón nee oo kaahamuusér hatlá', tam handá' muruú /aymar'ín oo hatlá' ngu slaslaya'a dír hhaeeín awa hatlá' wa ale.

DABE 20:6

Hee i deéro diirihe oo sabiíbu gwa dahaas handá' mamaá geera gaa tsaqiiká? Bir deer i watli amór do'ós. Aluuwo burkwa gaás baraá slaqwaraaro heé hatlá' mamaá sabiíbuudá' giri giiriis /aymaaro.

1 Timoteo 1:18

Timoteo, garmaaeé', án hara'ayaarí ngi kuúng i oó' asma nee aaru'uumadá' ti slaslayá', tidá' taa daanduuwók i oó' geerií alé. Aaru'uumadá' eehareek, nee slaqwaradá' hho' ka sláqw.

1 Timoteo 6:12

Slaqwaraadá' hho' ar haratlintaao ar slaqweek. Slafingwduú alhhe'eesay wásl ooheek, kudá' Mungú kuúng usa ateét. Asma tí kuúnguú kilá' aga lamabu'uún, qoomár lamabu'uungók oo hhó' kuwa ó' dír geeraá lamabu'uusér yaariir wa ale.

2 Timoteo 4:7

Slaqwarár hho' aga slaáqw, qwaatlo aga faák, nee haratlintaao aga xuúm.

1 Petro 5:2

Gawaá adoorihe án kuungá' nu gurbuú', kuungá' bee/ángw Mungú de'emaak, kudá' taa dabaahúng i saayín, nee kuwa sageesihhimita'. Ala adoorí ma tleehhara' as tunduwa harakeemisi, ala masók an tlehhá' ar sla'aarirhúng ar kilá', asma an adoodá' Mungú i slai. Slám ma tleehhara' as peésa kawa sleera' kilós ala na tleehhaak ar muunuú /awaák.