1 Korinto 9:3 - Biblía Axweesantá Hhohho' ar Mungú 2004

³ Gaarí an gár aníng tir aleekal/aam dír mukdá' ya/abusi'iimar'eé' ga siaasia.

Ya/abtór hho' 1977

³ Gaarí an gár aníng tir aleekal/aam dír mukdá' aníng i siasia gídaabá aníng a ya/abusmoowooká.

1 Korinto 9:3 Iomraidhean Croise

Luka 12:11

«Kuungá' burtunda huúw dír geeraá maraá saaliingw, nee dír geeraá waawitá nee mukduú hara'ayár koóm, as tunduwa sakwasleemuuti, ala kuungá' ma daawimitaara' as tiwa aleekala/a nee ar ta dir'íní oa' ma leelehhitara'.

Tlehhema'aá ya/Abuuse 22:1

«Hhaee'eé' nee baabi'iieene, án iiárií qaasaré', tiwa dír geeraahúng wa aleekal/aam.»

Tlehhema'aá ya/Abuuse 25:16

Ngiri báw, ‹Dákw adór kwisíng dír múk Romaro i kaahh, oo hee kuwa haniisi dír mukdá' inós gu sakwasleemuút as kuwa gaasi, bar taa al sihhiitiiká baraá kwasleemaro.›

1 Korinto 14:37

Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

1 Korinto 9:2

Ala aníng tam ya/abusmoowookahe dír múk hatlae, ala dirhunge aníng a ya/abusmo. Asma kuungá' a layar'eé' ar ga laqaqaam adór aníng tar ya/abusmoó Aako.

1 Korinto 9:4

Ahaá, atén a hariimanaakáhe tawa /ayiimaan nee tawa wahaamaan?

2 korinto 13:10

Gaarí an gár aníng tí ngisa gooiím, dír aníng nira hardihiiká amorhúng, as aníng qoomár binda hardáh munduwa i buúhh, slám aleesleemuudá' Aako naa aníng i haniís muwa ar gadiyuús. Aleesleemuudá' aníng una sláw as kuungá' nuwa kwa/amis, ala oo kuungá' nuwa fe/iitaaká.

2 korinto 13:3

Asma kuungá' gár ta leelehhita' a layár ga laqaqaam adór Kristo ira axweés ar aníng. Kuungá' adór inós kur daqatlaakweeká aqo aandá' qoomár bundu sakwasleemuut, ala /uuruuwós gun laqán dirhunge.

2 korinto 13:5

Kuungá' ti kiloohúng aldakute', xáy, a baraá haratlintaaór i dir'á'a? Kuungá' ti kiloohúng iiade', laqaá kuungá' a tsahha'aakáhe adór Yesu Kristo ir baraahúngií dirii'? Ala bir kaahh, daqaní kuungá' tunda sií'.

Filipi 1:17

Ala kudaá hatlá' kángw Kristo ngwa alki/iti'iiká ar muunuú hhoó', ala as fola. Inooín ka xui a slahh'amaayer'eé' kan dook baraá tseegamooro.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

2 Timoteo 4:16

Bál kwasleemar'eé' tidár geeraawo, qoomár aníng tiwa aleekal/aam heé bartaeé' ngaa ay i kaahh. Ala sleémeero ina geexayé'. Ala tlakweemaaká' mikiwa daandeemooín i harafaár.