1 Korinto 9:22 - Biblía Axweesantá Hhohho' ar Mungú 2004

²² Dír mukdá' haratlintaao tununu/a, aníng tina adór inooín laáq, as mukdá' haratlintaao tununuú/ nguwa slaw. Gawaá adoorihe aníng dír umuúqo heewo tina adór inós laáq as umuúqo loohi ngiwa leelehhiit ar muu bahh'alé nguwa ba/amis.

Ya/abtór hho' 1977

²² Dír mukdá' haratlintaao niinawe, aníng tina tleéhh tawa adór heé haratlintaao niiná, as mukdá' haratlintaao niiná nguwa slaw. Gawaá adoorihe aníng tina tleéhh tawa adór umuúqo heewo dír inooín sleémeerowo, as umuúqo loohi ngiwa leelehhiit ar muu bahh'alé nguwa ba/amis.

1 Korinto 9:22 Iomraidhean Croise

Rumi 11:14

Asma aníng gár ni slaa' a masók múk xooror'eé' gur'e gun ót, as bahh'alé ngiwa ba/amis.

Rumi 14:1

Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

Rumi 14:2

Daqtakaaro heeko i haratlintaaór kón tam mura' sleémeero gu /aay. Ala kudá' haratlintaao niiná, gár i /ayi a naanú bó/ kilós.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

Rumi 15:2

Umuúqo heewo baraá tla/angwrene masók inslaawmoowós gun sla'atimis as hhooeema ngiwa slay, nee as iwa kwa/i baraá haratlintaaoorose.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

1 Korinto 7:16

Asma kiíng háre, adór kar xu' a adoomá adór hhawaatuuwók kur ba/amís? Laqaá kuúng hhawaáta, adór kar xu' a adoomá adór hareerók kar ba/amís?»

1 Korinto 8:13

Gawaá adoorihe, muruú /ayma barnaxes hhiyaaeé' gu dukuutsmoó i qamín, aníng fu'unaay i baloó /ayaaká ay alhhe'eesay wasle, as aníng mawa dukuutsmo tleehhiít dír hhiyaaeene.

1 Korinto 9:19

Aníng a lawaalmoó heewooká tam dír heemahe. Ala tam adoorihe aníng tina lawaalmo tleéhh kilooeé' alé dír muu sleémeerowo as múk yaariír nguwa slaw.

1 Korinto 9:23

Aníng muruuwí sleémeero un tlehhiít as Ya/abtór hho', as kahhó' tsuuqaá Ya/abtór hho' kiwa eemaan nee múk hatlá'.

2 korinto 11:29

Asma heeko bur ku daqaatlaákw baraá haratlintaaoorose, aníng sleeme ti daqaatlaákw. Laqaá barnaxes kooko aa huú' baraá tlakweemaá i alé, aníng a ló'wa gurhaamuút.

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.