1 Korinto 9:21 - Biblía Axweesantá Hhohho' ar Mungú 2004

²¹ Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina adór inooín laqaá as mukdá' hara'ayár Mungú koomaaká nguwa slaw.

Ya/abtór hho' 1977

²¹ Aníng a hootaaká dír hara'ayár Mungú iwa kahh, asma aníng taa tseék nee hara'ayár Kristo. Ala dír mukdá' hara'ayár Mungú koomakahe, aníng tina tleéhh tawa adór heé hara'ayár Mungú koomaaká, as mukdá' hara'ayár Mungú koomaaká nguwa slaw.

1 Korinto 9:21 Iomraidhean Croise

WARA'AMI 119:32

Hara'ayarók an eehár, asma fuqurangw'eé' ngu dogít.

Tlehhema'aá ya/Abuuse 15:28

Asma Qeeruú hhoohhoó' oo Mungú nee atén axweesani aga tsataán as huwár hatlá' makawa daandeemoohúng i qaás, ala a har tidá' kuungá' wa hariim.

Tlehhema'aá ya/Abuuse 16:4

Inooín gixsadu kina alhi'iimiít, hhae kiri ádbabáy adoodá' kira hara'ayín nee ya/abuuse nee bariise, tidá' Yerusalemúr i dirii' ngiwa harmagaahhiya'.

Tlehhema'aá ya/Abuuse 21:25

Ala gawaá daanduú múk xoorduuwo, kudá' aa haratlintii', atén ana gooimaán, tidá' taa al'axweesaán tawa ooaán, ‹Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere nee fu'unaá gár taa af'óh, nee tsaatu'uuma.› »

Rumi 2:12

Mukdá' sleémeero hara'ayár Mose ga xuaaká, ala tlakweema kay tleéhh, inooín ki sakwasleemuut, tam hara'aya ka xuiikahe. Mukdá' hara'ayár Mose ga xuú', ala tlakweema kiri tleéhh, inooín ki sakwasleemuut ar hara'ayaadá'.

Rumi 2:14

Asma tam xoordaá hatlá', kudá' hara'ayár Mose ngi kooma'aaká, inooín baraá tlehhmi'ii'ine gár ta tleehhi a tidá' hara'ayár Mose i kat.

Rumi 7:22

Asma aníng baraá muunaáeene hara'ayár Mungú an sa qwalalaá/.

Rumi 7:25

Mungú i xirfuuti. Ba/amusmo u koóm, Yesu Kristo Aakoorén. Ala barnaxes a adoorí, anuú kilá' hara'ayár Mungú an sagadiyuús ar muunaáeé', nee hara'ayár tlakweema an sagadiyuús baraá slaqwte'eene.

Rumi 8:4

Mungú adoorí gana tleéhh as muruudá' hara'aya i hara'ayiyiin iwa boo/i baraarén wa ale. Asma atén ti sa waawuti'ii'inká nee heeuumár tlakweemaá koom, ala nee Qeeru.

Galatia 3:2

Aníng gár wák a xu'utír wa slaá', kuungá' Qeeru una ilaaoti'i as hara'aya kawa eehadé', laqaá as Ya/abtór hho' kawa axasé' nee kari haratlintié'?

Galatia 6:2

Ti alee/iimise' umuúqo heewo huwár heewós ngi gagaari. Ala adoorí bara tlehhé', daqaní hara'ayár Kristo aga boo/esé'.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.