1 Korinto 9:18 - Biblía Axweesantá Hhohho' ar Mungú 2004

¹⁸ Gawaá adoorihe bu'utuueé' a milá? Bu'utuueé' a qwal/uudá' aníng ni koom, asma aníng a Ya/abtór hhó' alki/iít ar bu'utu wasle. Geeraawo a hariímar'eé' bu'utu nguwa slaw as adoodá' Ya/abtór hho' ngiwa alki/iít. Ala aníng hariímarí a iinuusaaká.

Ya/abtór hho' 1977

¹⁸ Gawaá adoorihe slaqwer'eé' a milá? Slaqwer'eé' a qwal/uudá' aníng ni koom, asma aníng a Ya/abtór hhó' alki/iít ar bu'utu wasle. Geeraawo a hariímar'eé' bu'utu nguwa slaw as adoodá' Ya/abtór hho' ngiwa alki/iít. Ala aníng tina kilooeé' /iít hariímarí mawa sláw.

1 Korinto 9:18 Iomraidhean Croise

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

Tlehhema'aá ya/Abuuse 18:3

Iri didá' wa hoót, asma inooín sleeme gadiyér'ín a ád taqár Paulo, ar heéma hirit.

Rumi 14:15

Kuúng barnaxes hhiyaawók ugwa gurhaamír i qás ar muruú /aymár ta /ak, daqaní kuúng a baraá sla'aarír wa hotká. Muruú /aymaarók hhiyaawók munguwa qwaareés, asma Yesu hhiyaawók kudá' guna sa gwaá'.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

1 Korinto 3:8

Heedaádá' dahaasiím nee kudá' ma'aá eemiís, inooín a gár wák. Nee umuúqo heewo bu'utuuwós gu sláy ar adoodá' ira gadiyuús.

1 Korinto 7:31

Nee mukdá' muruú yaamuuká' gu eeharahár masók a adór múk gu eeharaharaaká. Asma yaamuuká' adoorí hám i diri'iia, i qwaariyá'.

1 Korinto 8:9

Ala amohhooarí ta koonda' ga/aawaak miwa dukuutsmo tleehhít dír mukdá' haratlintaao tununuu/a.

1 Korinto 9:12

Múk hatlá' barnaxes i harín kuungá' kuwa amohhe'eemisa', ala atén a ak hariimánaáke ta múk hatlae? Ala atén hariímarí aga ar gadiyuusaniiká. Atén ana qiqtliimaán gawaá umuúqo gaaro as Ya/abtór hho' ar Kristo mawa dukuutsmoó i qaasaán.

1 Korinto 9:15

Ala aníng hariímarí sleémeero aga ar gadiyuusiiká, tam gár wák, laqaá adoorí aga gooimiiká as hariímarí ngiwa slaw dirhúng wa alé. Asma a tsiní aníng bara gwaá', ta xirfuueé' kwí hee nguwa hingeesi.

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

1 Tesalonike 2:6

Atén aga sla'aaniiká muu tiwa xirfayeemisi, tam kuungá', laqaá tam múk hatlae.