1 Korinto 9:17 - Biblía Axweesantá Hhohho' ar Mungú 2004

¹⁷ Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

Ya/abtór hho' 1977

¹⁷ Asma gadiyeérí bara tleéhh as sla'aarir'eé' kilós, aníng slaqwe a sláw. Ala barnaxes a gadiyér ni baqaaká tlehhmuuwo, daqaní a gadiyér tinda aníng i saayín.

1 Korinto 9:17 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:14

«Ala aníng a gár milá, nee tam muk'eé' sleeme a gár milá, tam atén muruuwí nguri aleeslawaán haniisaro ar muunuú /awaák, asma umuú gaaro amoorók ngin dáhh, baraá muruuwí amoorók dahha, atén kuúng una muruuwí hanisaán.

1 QOM'I 29:5

Sahaábu una amohhe'eés as xooslár sahaábu, nee muqslár peésa as xooslaá peésa, nee muruú ta qoo tleehhi ar daba' nee heé gadiyeé ga xuú'. Xáy, a heemá heé ti kilós haniís laarí as tawa oo AAKOÓ MUNGÚ?»

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

NEHEMIA 11:2

Muu mukdá' hotaá Yerusalemu gaa ya/an nguri tsuuqiyé'.

ISAYA 6:8

Afór Aako ngiri axaás, i kat, «Heé ni ya/aaw a heemá oo daanduurén wa daqáw? «Aníng niri mu/aywaáts, «Aníng a diirí, án ya/aawáng!»

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

YONA 1:3

Ala Yona ina tláy, iri goów amór yaamaá Tarshishi, as iwa nahhaati AAKOÓ MUNGÚ wa alé. Ina aweér ay yaamaá Yopa, miringamoó yaamaá Tarshishír káw guri ár. Yona peésa gari buú', iri tsa/án baraá miringamoó i alé, as tiwa kona' nee inooín ay yaamaá Tarshishi, as iwa nahhaati dír AAKOÓ MUNGÚ wa alé.

MALAKI 1:10

AAKOÓ MUNGÚ Aleesleemusmo i kaahi, «Masók geeraawo heé wák dirhunge nin deeruut, oo afér Dooeé' ga tseék, as asla kawa tawó oohisa'aaká dír kitangwduú ilahhooar'eé' kay hanmaamisa'. Qwal/uueé' i kaahh dirhunge, tam ilahhooár dabaahúng án a ya/aamaaká.

Matayo 10:41

Heé aarusmo gwa ilaoh as tawa aarusmo, bu'utú adór kuduú aarusmo gu sláy. Nee heé heé hota ganaá' gwa ilaoh as tawa heé hota ganaá', bu'utú adór kuduú heé hota ganaá' gu sláy.

Matayo 24:25

Ala ga/aawaagáy, aníng kuungá' naa geerií gurbuú'.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

1 Korinto 3:14

Do'dá' hee aa tleéhh gawaá iihhafiiridá, bar asla gwa /agiká, heedá' bu'utu gu sláy.

1 Korinto 3:8

Heedaádá' dahaasiím nee kudá' ma'aá eemiís, inooín a gár wák. Nee umuúqo heewo bu'utuuwós gu sláy ar adoodá' ira gadiyuús.

1 Korinto 4:1

Gawaá adoorihe hee atén ti tsaahhi adór atén tar sagadiyuusér Kristo nee saayuusér kangwdá' taa luú/ oo Mungú.

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

1 Korinto 9:18

Gawaá adoorihe bu'utuueé' a milá? Bu'utuueé' a qwal/uudá' aníng ni koom, asma aníng a Ya/abtór hhó' alki/iít ar bu'utu wasle. Geeraawo a hariímar'eé' bu'utu nguwa slaw as adoodá' Ya/abtór hho' ngiwa alki/iít. Ala aníng hariímarí a iinuusaaká.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

Galatia 2:7

Ala inooín kari tsaáhh adór Mungú aníng ira aleesleemií haniís oo Ya/abtór hho' ngiwa alki/iit dír mukdá' taa al/utliikahe, adoodá' Petro sleeme ngura aleesleemií haniís oo Ya/abtór hho' ngiwa alki/iiti dír mukdá' taa al/utli.

Kolosai 1:25

Mungú aníng ina sagadiyusmoó múk kríshaanáy wa qaás. Gadiyér afhhamít ngina aníng i saayín as kuungá'. Gadiyeérí an Ya/abtór Mungú ngiwa gwa/atisa hhe'ees dirhúngií ale.

1 Tesalonike 2:4

Ala Munguúdá' muneerén ga xuú', inós Ya/abtór hho' ngina atén i saayín. Atén Ya/abtoorí an alki/iitaán ar adoodá' inós i slai. Atén heé ta sla'atimisaan i kaahh, ala heé ta sla'atimisaan a Mungú kudaádá' muneerén ga xuú'.

Filemoni 1:14

Ala aga slaiiká gaa ngiwa kilooeé' tleehh, aqo adór kuúng ta kat, asma sla'aarirók mawa harakeés masók a adór kuúng ta sla'.