1 Korinto 9:16 - Biblía Axweesantá Hhohho' ar Mungú 2004

¹⁶ Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

Ya/abtór hho' 1977

¹⁶ Asma aníng tam a Ya/abtór hho' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwa sakwasleemar'eé' ngiwa wa /akuut.

1 Korinto 9:16 Iomraidhean Croise

ISAYA 6:5

Aluuwo aníng niri oó', «Tsaxwaaeé', asma aníng aga qwaár, aníng a heé afa slasla/aár, nee an hoót tla/ángw múk afe slasla/arén wa ale, nee ilaaeé' waawutmo ngwaa ariyé', AAKOÓ MUNGÚ Aleesleemusmo.»

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 20:7

Aá AAKOÓ MUNGÚ, aníng iga al/ák, aníng al/aymaadá' ngiri ya/aám. Kuúng /uuru un koón ta ak aninge, kuúng aga baaliín. Tlaatla/aangw sleémeero aníng a heé ta waaqaseesen, umuú heewo in niqín.

YEREMIA 20:9

Ala aníng bara oó', «Aníng umuú AAKOÓ MUNGÚ daxta un baloó ooaaká, sleeme a ilaawatsaaká ar umuuwós,» muunaaeé' in da/aa/anuut baré kwaáo adór asla in baraá faduueé' wa ót, an mak qiítl as mawa ilawaáts, ala ila/aro tin harslaaqaát.

AMOS 3:8

Diraangw bira aáhh, xáy heé da'ayumitaaká a heemá? Aakoó MUNGÚ, Mungú aa axweés, xáy heé kaangwí gu ooaaká a heemá?

AMOS 7:15

Ala AAKOÓ MUNGÚ aníng ina leéhh baraá gadiyér'eé' tí ar de'eengw, iri báy, ‹Tláw aaririím dír muk'eé' oo Israeli.›

Matayo 25:16

Kudá' taa talaántár kooán i haniís, iri tláy siiwadár kilae, gari ar halaanuús, talaántár hatlá' kooán gari sláy.

Luka 9:62

Yesu guri báy, «Heé kurmoó doosla gwa oh, aluuwo iri alií xumiis, waawuti'iimár Mungú ga hardahasiiká.»

Tlehhema'aá ya/Abuuse 4:20

Asma atén muruudá' taa araán nee kudá' taa axaasaán, kuwa mawaan axweesanto u aleeslawanaaká.»

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Tlehhema'aá ya/Abuuse 9:6

Ala kuúng na sihhiít, baraá gixsa i daheek, nee adór kuúng wa hariim tleehhamooro kingi kuúng i oó'.»

Rumi 1:14

Aníng ti iinuus nee múk Yunani, tam múk Yunanirooká sleeme. Aníng ti iinuus nee múk sagalooár koóm, nee kuduú daktana sleeme.

Rumi 15:17

Ala baraá Yesu Kristowo aníng gár tis xirfayeemiis a gadiyeédár Mungú ni tlehhahhiit.

Rumi 4:2

Asma bar Abrahamu kuna gan'amuú i harafaár as tlehhmi'iiwós, inós i harín tiwa xirfayeemisi. Ala dír geeraá Munguhe gár tis xirfayeemisi i káhh.

1 Korinto 4:15

Asma intsaahhatuuserhúng baraá Kristowo tam ka yaariire, tam kumér mibaango, ala baabi'iihúng ki yaariireeká. Asma baraá Kristowo aníng ana baabuúhúng tleehhiít qoomár Ya/abtór hho' ngiwa amorhúngií huúw.

1 Korinto 9:12

Múk hatlá' barnaxes i harín kuungá' kuwa amohhe'eemisa', ala atén a ak hariimánaáke ta múk hatlae? Ala atén hariímarí aga ar gadiyuusaniiká. Atén ana qiqtliimaán gawaá umuúqo gaaro as Ya/abtór hho' ar Kristo mawa dukuutsmoó i qaasaán.

1 Korinto 9:14

Nee slám Aako hara'aya gaa adoorír oó', as mukdá' Ya/abtór hho' ga alki/aa/iít, sleeme gár kiwa hariím a muruú /aymar'ín ngun slayá' ar Ya/abtór hho'.

2 korinto 2:12

Qoomár aníng niwa Troárí hardáh as Ya/abtór hho' ar Kristo ngiwa alki/iit, gár naa ár a pa/ángw amohhoó' kunguna haniís oo aníng gadiyér Aako ngiwa tleehh didae.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.