1 Korinto 9:12 - Biblía Axweesantá Hhohho' ar Mungú 2004

¹² Múk hatlá' barnaxes i harín kuungá' kuwa amohhe'eemisa', ala atén a ak hariimánaáke ta múk hatlae? Ala atén hariímarí aga ar gadiyuusaniiká. Atén ana qiqtliimaán gawaá umuúqo gaaro as Ya/abtór hho' ar Kristo mawa dukuutsmoó i qaasaán.

Ya/abtór hho' 1977

¹² Múk hatlá' barnaxes i harín kuungá' kuwa amohhe'eemisa', ala atén a ak hariimánaáke ta múk hatlae? Ala atén hariímarí aga ar gadiyuusaniiká. Atén ana qiqtliimaán gawaá umuúqo gaaro as Ya/abtór hho' ar Kristo mawa dukuutsmoó i qaasaán.

1 Korinto 9:12 Iomraidhean Croise

IIMU/UUNGW 24:56

Ala inós ina oó', «Aasla'áy, mi tligmisara', barqo AAKOÓ MUNGÚ aníng iga alee/iís baraá aaiieene, ya/aamé' án niwa kii/ amór aakooeé'.»

NEHEMIA 4:8

Nay dinkwár wa axweesiyé', tawa haratlay ay Yerusalemu, as tawa slaqwi nee tlaahhi ngiwa huwiya' baraá gixsarí ale.

Luka 11:52

«Kuungá' intsaahhatuusér hara'ayár Mose, a tsaxwaahúng, asma kuungá' gweermór xu'utír mura' aga hayoté', ala kuungá' kilá' muruudá' ugwa gaárií xui'iiká kuwa xua', slám mukdá' muruudá' xu'utír wa slaá' ugwa ila/é'.»

Tlehhema'aá ya/Abuuse 18:3

Iri didá' wa hoót, asma inooín sleeme gadiyér'ín a ád taqár Paulo, ar heéma hirit.

Rumi 15:22

Gaarí an gár aníng tisa ilaá/ daqtá yaariire niwa amorhúngí hardah.

1 Korinto 13:7

Mura' sleémeero daanduuwós i qaasaro gu ya/aán. Mura' sleémeero gun harahhíf, mura' sleémeero gun haraxú', mura' sleémeero gun sa qiqtliín.

1 Korinto 6:7

Ala kuungá' bar ti kiloohúng sakwasleemutá' dír geeraá sakwasleemuusér wa alé, gaarí gár i laqaaqaan a kuungá' slafiingw ugwa harslaaqaté'. Ahaá, a tsiníheéke bar aga ya/aán tam ta sadakuusi? Ahaá, a tsiníheéke bar aga qítl tam taa gaa hayohi?

1 Korinto 9:14

Nee slám Aako hara'aya gaa adoorír oó', as mukdá' Ya/abtór hho' ga alki/aa/iít, sleeme gár kiwa hariím a muruú /aymar'ín ngun slayá' ar Ya/abtór hho'.

1 Korinto 9:15

Ala aníng hariímarí sleémeero aga ar gadiyuusiiká, tam gár wák, laqaá adoorí aga gooimiiká as hariímarí ngiwa slaw dirhúng wa alé. Asma a tsiní aníng bara gwaá', ta xirfuueé' kwí hee nguwa hingeesi.

1 Korinto 9:16

Asma aníng tam a Ya/abtór hhó' alki/iita, gár tir xirfayees i káhh. Asma gaarí a gadiyér tinda aníng i haniís, a gár ni baqaaká tleehhamooro. Aníng Ya/abtór hho' bar alki/iitaaká, a tsaxwaaeé'.

1 Korinto 9:18

Gawaá adoorihe bu'utuueé' a milá? Bu'utuueé' a qwal/uudá' aníng ni koom, asma aníng a Ya/abtór hhó' alki/iít ar bu'utu wasle. Geeraawo a hariímar'eé' bu'utu nguwa slaw as adoodá' Ya/abtór hho' ngiwa alki/iít. Ala aníng hariímarí a iinuusaaká.

1 Korinto 9:2

Ala aníng tam ya/abusmoowookahe dír múk hatlae, ala dirhunge aníng a ya/abusmo. Asma kuungá' a layar'eé' ar ga laqaqaam adór aníng tar ya/abusmoó Aako.

2 korinto 11:12

Ala aníng a kumiít adoorí ngiwa tlehhiit, as masók mukduú hatlá' pa/aangw munguwa sláy, oo tiwa kilooín xirfayeemisiya' tawa ooi, «Atén gadiyér Mungú an tlehhiitaán adoodár inooín wa ale.»

2 korinto 11:20

Kuungá' a qiqtliindá' hee kuungá' burna lawaale tleéhh, laqaá hee bira daqaari'iít ar daqaari'iimarhúng, laqaá hee bur naa ohín, nee laqaá hee bur naa waaqaqaá', nee laqaá hee bur naa tlaaqarma' muúx.

2 korinto 2:12

Qoomár aníng niwa Troárí hardáh as Ya/abtór hho' ar Kristo ngiwa alki/iit, gár naa ár a pa/ángw amohhoó' kunguna haniís oo aníng gadiyér Aako ngiwa tleehh didae.

2 korinto 6:3

Baraá umuúqo gaaro atén hee u dukuutsmoó i qaasanaaká, as gadiyeérén makawa niqimís.