1 Korinto 8:12 - Biblía Axweesantá Hhohho' ar Mungú 2004

¹² Ala hhaeehúng barnaxes ina sadakumisé' ar adoorí, nee haratlintaaor'ín tidá' tununuu/ kari slahh'eemisé', heé ta sadakusé' a Kristo.

Ya/abtór hho' 1977

¹² Ala hhaeehúng barnaxes ina sadakumisé' ar adoorí, nee haratlintaaor'ín tidá' niina kari slahhe'eemisé', heé ta sadakusé' a Kristo.

1 Korinto 8:12 Iomraidhean Croise

IIMU/UUNGW 20:9

Aluuwo Abimeleki Abrahamu guri ateét guri báy, «Gaarí naa atén i tléhh a milá, án kuúng gár uwa sadakuús a milá, ar kuúng tlakweemaaká' ur ngiwa daanduueéní qás, nee waawuti'iimar'eé'. Tlehhma'aá naa daanduueéní tléhh, i aníng wa harina'aaká.»

IIMU/UUNGW 42:22

Reubeni gina mu/aywaáts, giri báy, «Án kuungá' naa bawiikáhe, garma mu sadakuusara'. Ala kuungá' a axamisa'aaká. Xáy daxta, ga/aawaak, tseereerós atén taa inkí/.»

TI'INAANGW 16:8

Mose iri oó', «AAKOÓ MUNGÚ kuungá' nu fu'unáy haniis tsiindoowo, nee matlaatleero nun mikaáteérí haniis, gur'erhúng kari dal/aandá', asma inós qununu/ayhúng gwa axaás. Kawa xua' atén tiwa i qununu/a a múk adoomá? Ma qununu/aara' amooréní ale, amór AAKOÓ MUNGÚ nay qununu/aak.»

TI'INAANGW 32:21

Mose Aroni guri báy, «Gár mukwí naa kuúngií tleéhh a milá, tlakweemaá ur awa adór kuká' kiri dir'ínií húp?»

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Matayo 18:21

Aluudae Petro iri daqáy amór Yesu guri báy, «Aáko, hhiyaaeé' án bir sadakumiis, ngu gurtlaatlaw a sagaáwa magá'? Tam ay sagaáwa faánqwe?»

Matayo 18:6

«Ala heé na/oó wák baraá na/iiká' ninakwe, kuká' án iga haratlinti'ii'i, gwa baraá tlakweemií gee/aasl, gár kus hhoó' a tlaa/ár ur ar xoosliingw kan gawaá istós i tseek, kway /aytiis baraá iltá tlawi.

Matayo 25:40

Waawutmo iri ooi, ‹Án a kah, umuúqo gaaro ar taa tlehhé' dír oo wák baraá hhaee'eé' kuká' ninakwe, a ngina aníng i tlehhé'.›

Matayo 25:45

Inós iri ooi, ‹Án a kah, umuúqo gaaro ar taa tlehhi'iiká dír oo wák baraá hhaee'eé' kuká' ninakwe, a ngina aníngií tlehhi'iiká.›

Marko 9:42

«Heé na/oó wák baraá na/iiká' ninakwe, kuká' án iga haratlinti'ii'i gwa baraá tlakweemií gee/aasl, gár kus hhó' a tlaa/ár xoosliingw kan gawaá istósií tseék, kway kwaahh baraá tlawi.

Luka 17:2

Heewí gár kus hhoó' a tlaa/ár xoosliingw kan tseek gawaá istós, nee kuri kwaahh baraá tláwtí alé, ta oo wák baraá kuká' ninakwe nguwa baraá tlakweemií gee/asli.

Rumi 14:20

Gadiyér Mungú ma hhitiimaar as muruú /ayma. Ar ló' mura' sleémeero ku hhohhó'. Ala i hariindaaká muruú /aymár hee gu baraá tlakweemií dahaás kuwa /ak.

1 Korinto 12:12

Slaqwtá hee a wak, ala i diqoó yaariír koón. Ala diqaywí tam ku yaariire, sleémeero burkwa haragaás an slaqwtá wák kilós. Adoorí an adoodá' Kristo sleeme i dirii'i.

1 SAMUELI 2:25

Asma hee bar kuqá' ngwa sadakuús, Mungú gu aleekalaa/, ala hee bar AAKOÓ MUNGÚ ngwa sadakuús, heé gu alefiriím a heemá?» Ala afór baabuúín ngaa axaasi'iiká, asma AAKOÓ MUNGÚ gina wa tsabín ngiwa tsu/i.

1 SAMUELI 24:11

Baabuúeé' qaytsiít, pasltá inqwaarirók i gawaá dakw'eé', barnaxes pasltá inqwaarirók ana tsaát, kuúng uri gaasiiká, ka xú' nee ka tsáhh adór dabaaeé' kir hhohhó', tam /aymuú kuúng uwa sadakuús i kaahh, ala kuúng án ina slakaamaamít as iwa gaasár wa sla'.