1 Korinto 8:1 - Biblía Axweesantá Hhohho' ar Mungú 2004

¹ Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

Ya/abtór hho' 1977

¹ Daxta iidíguú ni oo' a iidíguú fu'unaydá' taa hanmamisi dír munguaá hatlá'. Atén aga qaroó xuaán gídaabá atén sleémeero xu'uti a koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

1 Korinto 8:1 Iomraidhean Croise

ISAYA 47:10

Kiíng aga yaandahhe'és baraá tlakweemaawók ale, a kat, ‹Heé aníng i ga/áw i kaahh.› Sagalooarók nee xu'utiroge iga qwaareesiyé', tari baraá muunaáwók i ó', ‹Aníng a kilooeé', heé hatlá' oo adór aníng i kaahh.›

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

FAARO 25:2

/Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

Tlehhema'aá ya/Abuuse 15:10

Gawaá adoorihe kuungá' mas Mungú iiara'adá' ar huwár iiloo' kawa tsa/amisa' gawaá sum'aá eeharuuse? Huwaarí baabi'iirén laqaá tam atén awa kilá' aga aleeslawaaniiká gagaararo.

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

Tlehhema'aá ya/Abuuse 21:25

Ala gawaá daanduú múk xoorduuwo, kudá' aa haratlintii', atén ana gooimaán, tidá' taa al'axweesaán tawa ooaán, ‹Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere nee fu'unaá gár taa af'óh, nee tsaatu'uuma.› »

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 12:16

Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' tawa múk sagalooár koóm.

Rumi 14:10

Ahaá ala, kuúng mas hhiyaawók sakwasleemút? Nee kuúng mas hhiyaawók waaqaqá'? Asma atén sleémeero a sihhiitaán dír geeraá kitángw Mungú kuduú sakwasleema.

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 14:22

Kuúng a haratlintaaór koón daanduú muruuwihe, haratlintaaoorók tisíng kilók koomeek dír geeraá Munguhe. Heé amohhoó' a kudá' ti kilós sakwasleemuutaaká baraá muunaáwose baraá muruudá' tleehhamooro aa tsawaari.

Rumi 14:3

Ala heedaádá' mura' sleémeero gu /aáy, kudá' /ayiimaaká munguwa waaqaqaá'. Laqaá tam heedaádá' /ayiimaaká, kudá' mura' sleémeero gu /aáy munguwa sakwasleemuút, asma Mungú heedaádá' mura' sleémeero gu /aáy gwa ya/án.

Rumi 15:14

Hhaee'eé', aníng a xuú' adór kuungá' tar hatsá' hhooeemaawo. Nee slám kuungá' xu'uti sleémeero a koondá', nee a aleesleerá' kuungá' kiloohúng tiwa gurbu'uunda'.

1 Korinto 1:5

Asma baraawose kuungá' mura' sleémeero ugwa sleeré', tam axweesani sleémeero nee xu'uti sleémeerowo.

1 Korinto 10:15

Aníng an dirhúngií axweés tawa adór múk fuqurángw koóm. Axweesantí án ni axwees, kuungá' aldakuutaak.

1 Korinto 10:28

Ala barnaxes hee kuungá' naa báy, «Gaarí kaa ilahhooár wa gaás,» kuungá' daqaní gadaádá' ma /ayaara', as heedaádá' ngaa oo', nee as haratlintaao.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 15:34

Daarkiité' baraá oonitimerhunge, nee fuqurangwhúng ar gadiyuusaak, slám tlakweema mi tlehhiitara'. Asma kuungá' bahh'alé Mungú u xua'aaká. Aníng adoorí an káh as kuungá' nuwa mureekees.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

1 Korinto 4:18

Bahh'alé baraá tla/angwhunge ta kaahi aníng ni amorhúngií daqawká, niri daara/uumitiyé'.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

1 Korinto 8:2

Hee bir kaahi, «Aníng gaarí a xuú',» inós gadaádá' gaa baloó xuiiká ar adoodá' kus hariím xu'utiro,

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 Korinto 8:7

Ala a muu sleémeerowooká oo xu'utirí ga koóm. Bahh'alé baraá slafingw'ine kaa ló'wa intsatsaáhh mungui kiwa ilaiwawa/i kwaáo in slafiyá'. Gawaá adoorihe fu'unaá taa ilahhooár wa hanmiís dír munguaá hatlá', birnga /ayiyé', kin slahh'eemiis baraá muner'ine, as adoodá' haratlintaaor'ín iwa tunuunu/ inooín kiri meetagaas.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.