1 Korinto 7:40 - Biblía Axweesantá Hhohho' ar Mungú 2004

⁴⁰ Ala a gár ak hhoo' dirose bar duuxo ngaa meér. Gaarí aníng an káh, ala tam aníng sleeme án ngi slaá' Qeeruú Mungú u koóm.

Ya/abtór hho' 1977

⁴⁰ Ala a gár ak hhoo' dirose bar duuxo ngaa meér. Gaarí aníng an káh, ala tam aníng sleeme án ngi slaá' Qeeruú Mungú u koóm.

1 Korinto 7:40 Iomraidhean Croise

1 Korinto 7:1

Ala gawaá kangwdá' kuungá' naa gooiindi'i, a gár hhoo' hhawaata /ameeni ngiwa kwatitiiká.

1 Korinto 7:35

Aníng adoorí an káh as kuungá' nuwa alee/iis. Aníng a sla'aaká kuungá' nuwa harakeemiis. Ala gár ni slaa' masók kuungá' tidá' ganaa' an tlehhá', nee tidá' hhohho', masók tina hanisé' dír Aako baraá slafingwhunge, as kahhó' nee muruú hatlá' munduwa uuruxún.

1 Korinto 7:6

Aníng kaangwí nguna oó' ar adoodá' an ngur ga/aw, ala a hara'ayaarooká.

1 Korinto 7:8

Ala án gár ni kah dír mukdá' aa duuxuuxunkahe, nee dír kwaeeliwo a tí, a tsiní dir'ine bir kumiitiyá' tawa hooti kilooín ale, adoodár aníng nir kilooeé' hoot.

2 korinto 12:11

Aníng niwa adoorír axweés a adór daktani. Ala kuungá' aníng ina harakesé'. A hariímarhúng geeraawo aníng iwa xirfayeemisa'. Asma aníng tam a gaarookahe, ala gár aníng iga wa /aaruur i káhh ta ya/abuuserhúng tidá' urene.

2 korinto 13:3

Asma kuungá' gár ta leelehhita' a layár ga laqaqaam adór Kristo ira axweés ar aníng. Kuungá' adór inós kur daqatlaakweeká aqo aandá' qoomár bundu sakwasleemuut, ala /uuruuwós gun laqán dirhunge.

2 korinto 8:10

Gár án ni kah a tí, a tsiní dirhunge gadiyeérí kurkú /isá' taa iimu/uundé' kawa alhhe'esa' daxta. Kuungá' a múk aa giirin tleehhamooro, ala a baraá tleehhamo kiloseeká, ala sleeme ana giiriindé' kawa sla'a' tleehhamooro.

1 Tesalonike 4:8

Umuúqo heewo oo intsaahhasarí gaa sii', a kaahaaká hee guna sií', ala a Mungú guna sií', kudá' Qeeruuwós oo hhoohhoó' ngu dirhúngií hanmiís.