1 Korinto 7:34 - Biblía Axweesantá Hhohho' ar Mungú 2004

³⁴ inslawaywós tari badu tsár. Nee /ameenidá' taa duuxiiká, nee /amaatliito'ooro, inooín sleeme in daawimitiyá' as Aako, as kahhó' tawa múk hhohhó' baraá slaqoowo nee baraá muneero. Ala /ameenidá' taa duúx, inós in daawimít as muruú baraakaá yaamu, nee adór hhawaatuuwós ngur qwal/atis.

Ya/abtór hho' 1977

³⁴ inslawaywós tari badu tsár. Nee /ameenidá' taa duuxiiká, nee /amatlito'o, inooín sleeme in daawimitiyá' as Aako, as tawa múk hhohhó' baraá slaqoowo nee baraá muneero. Ala /ameenidá' taa duúx, inós in daawimít as daanduú muruú baraaká' yaamu, gídaabá adór hhawaatuuwós ngur qwal/atis.

1 Korinto 7:34 Iomraidhean Croise

Yohana 10:13

Heedaádá' ina goów as tawa heé ta bu'un, asma bee/aangw dirose a gaarooká.

Rumi 6:13

Nee slám kuungá' slaqoohúng mi hanmiisara' as kiwa ar gadiyuusi nee tlakweema, tawa adór xooslár tlehhma'aá ganaa'a'aaká. Ala kuungá' ti kiloohúng hanise' dír gadiyér Mungú i alé, as kuungá' Mungú kuwa sagadiyusa' ar slaqoohúng, slaqoohúng tawa adór xooslár tlehhma'aá ganaa'á'.

1 Korinto 6:20

Asma inós kuungá' nuna tlaáxw ar tlaxór ur. Gawaá adoorihe, kuungá' Mungú xirfayeemisaak ar slaqoohúng.

1 Korinto 7:33

Ala heedaádá' aa duuxun in daawiimiit as muruú baraakaá yaamu, nee adór hareerós ngir qwal/atisi,

1 Korinto 7:35

Aníng adoorí an káh as kuungá' nuwa alee/iis. Aníng a sla'aaká kuungá' nuwa harakeemiis. Ala gár ni slaa' masók kuungá' tidá' ganaa' an tlehhá', nee tidá' hhohho', masók tina hanisé' dír Aako baraá slafingwhunge, as kahhó' nee muruú hatlá' munduwa uuruxún.

2 korinto 11:28

Tí sleémeero bar mawaana, huwár hatlá' ar ni koom i deer umuúqo daqto as daanduú kríshaanáy sleémeero.

2 korinto 8:16

Aníng Mungú un sluufmiís, kudá' Tito gwa muunuú i haniis oo kuungá' nuwa alee/iimisi adór atén wa ale.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

1 Tesalonike 5:23

Mungú inósuú kilá', kudá' atén ti waydií hanimiís, inós kuungá' nu hhoohhooeesi kángw kilá' wa ale. Nee slám inós munerhúng nee qeeremoohúng nee slaqoohúng ngi xun as gár tlaakw munduwa sleér, ala kuungá' masók a múk xaslxaansli wásl ay bál Aakoorén Yesu Kristo nay hardihi.

1 Timoteo 3:5

Asma heé do'ós geeraharto gu aleeslaslawaaká, adór múk Mungú geeraharto ngur aleeslay a adoomá?

1 Timoteo 5:5

Kwaalo'ór ló' a tidá' taa kilós geexáy. Inós Mungú gun harahhíf, slám i baraá firór wa hót nee saaliingo tlaatla/aangw nee xweeraawo.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.