1 Korinto 7:29 - Biblía Axweesantá Hhohho' ar Mungú 2004

²⁹ Ala hhaee'eé', aníng gár ni kah a tí, qooma daxta aa niinawuúr. Ala iimír hamí mukdá' aa duuxuxun masók a adór múk aa duuxuxunká.

Ya/abtór hho' 1977

²⁹ Ala hhaee'eé', aníng adoorí ngin káh gídaabá, qooma daxta aa niinawuúr. Ala iimír hamí mukdá' aa duuxuxun masók a adór múk aa duuxuxunká.

1 Korinto 7:29 Iomraidhean Croise

2 SAMUELI 19:34

Ala Barsilai waawutmo guri báy, «Xáy, kureerieé' awa ni hoot kiqo úre, tam nee kuúng tiwa alkoomaan ay Yerusalemu?

DAHARUSMO 6:12

Asma heé ga xuú' a heemá gár ganaa' dír heewo baraá slafiingós kwí ququmaare, oo gaa wásl, kwí waaraáhh adór mahhtí wa ale? Heé baraá yaamuwo ga xuú' a heemá gár hee gu slaw alaá gwa'araro.

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ESEKIELI 7:12

«Qooma naa hardát, eeít, deeloodá' naa tseewuúr, heé gár tlaxuúm miwa qwalaá/, laqaá heé gár weeramiís miwa tsuunqumiís, asma buhhtaeé' muu sleémeerowo ngu slayá'.

Luka 14:20

Oo hatlá' iri malé oó', ‹Aníng aga duuxuúm, daxta adoorihe án daqeemu ngu aslawká.›

1 Korinto 7:28

Ala bar aga duuxuún sleeme, tlakweema iga tlehhiká. Nee dasi bar kana duúx, tlakweema gaa tlehhiká. Tam adoorihe múk adór kwí slahh'amaaye ga sláy baraá slafingw'ine, nee aníng gár ni slaa' a kuungá' slahh'amaayeerí masók a sleera'aaká.

1 Korinto 7:30

Nee mukdá' /aa/amiím masók a adór múk /aa/amiimaaká. Nee mukdá' qwalalaá/ masók a adór múk qwalaala/aaká. Mukdá' muruú tlaxuúm masók a adór múk gár koomaaká.

1 Korinto 7:31

Nee mukdá' muruú yaamuuká' gu eeharahár masók a adór múk gu eeharaharaaká. Asma yaamuuká' adoorí hám i diri'iia, i qwaariyá'.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Yohana 2:17

Ala yaamu i waarahhiyá' dinkwa nee ilatleerir'ine, ala heé adoodá' Mungú i slai ga tlehhiít i hotaatín ay kureér.