1 Korinto 7:26 - Biblía Axweesantá Hhohho' ar Mungú 2004

²⁶ Adór án ngir ga/aawa a tsiní bar hee duuxo ngaa máy as slahh'amuuwí dáw de'emuukae.

Ya/abtór hho' 1977

²⁶ Gídaabár'eé' a tí, as slahha'amuuwí dáw qoomár de'emuukae a tsiní hee duuxo binga máy.

1 Korinto 7:26 Iomraidhean Croise

Matayo 24:19

Ala /ameenár tsiihaawe nee ar na/aá ninakw gi koom qoomaadae, a tsaxwaaín.

Luka 21:23

/Ameenár tsiihaawe nee ar na/aá ninakw gi koom qoomaadae, a tsaxwaaín. Asma qoomaadae slahh'amuú úr i deer baraá yaamuudae, nee Mungú sakwasleemarós ga boo/ees daanduú xooroorihe.

1 Korinto 7:1

Ala gawaá kangwdá' kuungá' naa gooiindi'i, a gár hhoo' hhawaata /ameeni ngiwa kwatitiiká.

1 Korinto 7:27

Kuúng barnaxes hare duuxooro aga hhe'és, loohi ma leelehhiitaar ar hareerók kawa gus. Nee barnaxes hare aga duxká, kuúng hare ma leelehhiitaar ar kawa dux.

1 Korinto 7:28

Ala bar aga duuxuún sleeme, tlakweema iga tlehhiká. Nee dasi bar kana duúx, tlakweema gaa tlehhiká. Tam adoorihe múk adór kwí slahh'amaaye ga sláy baraá slafingw'ine, nee aníng gár ni slaa' a kuungá' slahh'amaayeerí masók a sleera'aaká.

1 Korinto 7:8

Ala án gár ni kah dír mukdá' aa duuxuuxunkahe, nee dír kwaeeliwo a tí, a tsiní dir'ine bir kumiitiyá' tawa hooti kilooín ale, adoodár aníng nir kilooeé' hoot.

2 Tesalonike 2:2

mutunduwa amoqwaareés ar gaanslaay baraá munerhunge, laqaá mutunduwa dae tsaát ar axweesanoó káh, «deeloodár Aako naa qaroó hardát». Múk adoorír axweés, kwaáo' aaru'uuma kana sláy, laqaá axweesantá amoorén daahh kana axaás, laqaá kwaáo' barwár amoorén daahh kana sláy.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?