1 Korinto 7:19 - Biblía Axweesantá Hhohho' ar Mungú 2004

¹⁹ Hee burkwa al/uútl, laqaá burkwa al/utliiká, a gaarooká. Ala hara'ayár Mungú ka iialooeemisi.

Ya/abtór hho' 1977

¹⁹ Hee burkwa al/uútl, laqaá burkwa al/utliiká, a gaarooká. Ala gár gídaabár koom a hara'ayár Mungú kawa iialooeemisi.

1 Korinto 7:19 Iomraidhean Croise

Matayo 5:19

Gawaá adoorihe, hee bar hara'ayár wák gaa iialooeesiiká baraá hara'ayadaá ninakwe, nee muu guri adoodár intsaahhatimís, inós a heé ló'wa niiná baraá waawuti'iimár dooriiwo. Ala heé hara'ayaarí gaa boo/ees, nee muu guri adoodár intsaahhatimis, inós a heé ló'wa úr baraá waawuti'iimár dooriiwo.

Yohana 15:14

Kuungá' a mulqer'eé', bar tidá' án naa hara'ayiím aga tlehhé'.

Rumi 3:30

Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

1 Korinto 8:8

Ala muruú /ayma atén ti hardahaasiiká amór Mungú. Fu'unaay bira mawaán /aymaaro, gár atene /aaruw i káhh. Nee bira /ayaán, gár atene doogiim i káhh sleeme.

Galatia 3:28

Ala daxta gár dimbé i káhh dír heé Yahudi nee heé Yunaniro. Laqaá tam dír heé lawaalmo nee heé lawaalmowooká. Nee slám gár dimbé i káhh sleeme dír hhawaata nee /ameeniro, asma kuungá' sleémeero a adór heé wák baraá Kristo Yesuwo.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

Galatia 6:15

A gaarooká hee burkwa al/uútl, laqaá barnaxes kwa al/uutliiká, ala gár afhhamít a hee kuwa heé /abén tleehhi.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

YOSHUA 5:5

Mukdá' sleémeero naa baraá yaamaá Misrír wa ti'iit kwaa qaroó al/utlín. Ala mukdá' sleémeero taa laqwaál baraá xaanxáy ale, alaá tindiwa ti'iít baraá Misriro, kwaa al/utlinká.

Geehhoeemaá 22:14

Múk amohhoó' an kudá' inqwaruuín gu hhuuntsiít, as kahhó' inooín tawa harín mamaá xa'anooduú slafiingw kiwa /ayi, nee tawa baraá gixsadií dahi ar afeerós.

1 SAMUELI 15:22

Samueli iri oó', «Xáy, AAKOÓ MUNGÚ ilahhooár da/a nee ilahhooár muruú ta tsu/i gan ak ló'wa slái, ta ilaiwa/amér afór AAKOÓ MUNGUHE? Qaytsiít ilaiwa/ame ka hhoo' ta ilahhooár muruú taa tsu/i, nee iialoeesa i waaráhh ta di/tá gwaandaaweero.