1 Korinto 7:17 - Biblía Axweesantá Hhohho' ar Mungú 2004

¹⁷ Ala umuúqo heewo gár kuwa hariím masók i kumiit hotaango ar adoodár aleesleemuú Qeeru, kudá' Aako aa dirós i haniís, nee adoodá' inós i dirii'i qoomár kuwa ateét nee Mungú. Gaarí an gár ni hara'ayiyiim dír kríshaanáy oo umuúqo diiro.

Ya/abtór hho' 1977

¹⁷ Ala umuúqo heewo gár kuwa hariím masók i kumiit hotaango ar adoodár aleesleemuú Qeeru, kudá' Aako aa dirós i haniís, nee adoodá' inós i dirii'i qoomár kuwa ateét nee Mungú. Gaarí an gár ni hara'ayiyiim dír Kríshaanáy oo umuúqo diiro.

1 Korinto 7:17 Iomraidhean Croise

Matayo 19:12

Asma muu i deer oo duuxo ga aleeslawaaká, asma kuna adoodár tleéhh iimír kuwa laqwaali. Múk hatlá' i deer oo duuxo ga aleeslawaaká asma kuna adoodár tleéhh ar dabér muu. Kooko sleeme duuxo ga máy asma waawuti'iimár doori. Múk intsaahhastí ilaooharo ga aleesláw ngi ilaoohi.»

1 Korinto 10:32

Kuungá' ma dukuutsmo tleehhitaara' dír múk Yahudiro, laqaá dír múk Yunaniro, laqaá tam dír múk kríshaanayhe,

1 Korinto 11:16

Ala heé tlaampa'amisuú slaá' daanduú kaangwihe, inós ngi xui adór atén tlehhma'aá adór kwisíng kir koomanaaká, tam múk kríshaanáy oo umuúqo diiro gi konká.

1 Korinto 11:34

Ala hee barnaxes i qwariit, i /ayin dír do'ós wa alé, as burumburimituuhúng mindiwa sakwasleemár ar kií/. Nee muruudá' aa meet aníng binda amorhúngí hardáh ngu hara'ayiím.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

1 Korinto 7:18

Heé taa ateét nee Mungú barnaxes kwaa al/uútl, al/utloorós mingiwa luú/. Nee heé taa al/utliiká burkwa ateét nee Mungú, inós mukuwa al/uútl.

1 Korinto 7:24

Hhaee'eé', umuúqo heewo masók in hoot dír geeraá Munguhe ar adoodá' inós i dirii' qoomár kuwa ateét.

1 Korinto 7:7

Asma aníng geera gár ni slaa' masók umuúqo heewo geera a adór aníng. Ala umuúqo heewo aleesleemuuwós oo Qeeru gu kón, kudá' taa haniís nee Mungú. Heewí a adoorí nee kuqá' a adorqá'.

2 korinto 11:28

Tí sleémeero bar mawaana, huwár hatlá' ar ni koom i deer umuúqo daqto as daanduú kríshaanáy sleémeero.

2 korinto 8:18

Hhiyaako sleeme ngun ya/aawaán dinkwa nee inós. Kwí an kudá' taa xirfayeés nee kríshaanáy sleémeero, as gadiyeédá' i tlehhiiti ar Ya/abtór hho' ngiwa alki/iiti.

Galatia 1:22

Ala gitsee/aaeé' kaa ariiká nee múk kríshaanáy oo baraá yaamaá Yudea.

1 Tesalonike 2:14

Kuungá' hhaee'eé', gár kuungá' taa sleeré' a adór tidár múk kríshaanáy oo baraá yaamaá Yudeár i dirií' aa sláy, mukdá' Yesu Kristo gwa haratlintii'. Kuungá' slahh'eemisuú taa sleeré' dír xoororhúng ar kilá' wa ale, an adór slahh'eemisuú inooín taa sláy dír múk Yahudír wa ale.

2 Tesalonike 1:4

Gaarí an gár ataá kilá' xirif kus ara'araan daanduuhunge dír múk kríshaanáy oo baraá yaamaá hatlae. Atén xirif un ara'araán as adoodá' kuungá' tawa kumita' baraá haratlintaaooro. Asma gusisiingw sleémeero u qiqtliindá' nee slahh'eemisuudá' ta slasleera'a.