1 Korinto 6:9 - Biblía Axweesantá Hhohho' ar Mungú 2004

⁹ Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

Ya/abtór hho' 1977

⁹ Ahaá kuungá' a xua'akáhe gídaabá malguuse waawuti'iimár Mungú ga baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munga'aá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

1 Korinto 6:9 Iomraidhean Croise

IIMU/UUNGW 19:5

Loti kuri ateét, kuri báy, mukdá' xweerakae naa hardah i amá. Amoorén i duuxang as atén nee inooín tawa fuqusaan.

TI'INAANGW 23:1

«Axweesanoó lama mu alki/itaar. Ma aldinku'uumisaara' nee heé tlaákw, as tawa lamabu'usmoó lama tleehhit.

AXWEESANOÓ SAGALOOA 11:1

Qoomoó al/ayma AAKOÓ MUNGÚ gu waak, Ala qoomoó alqoóm inós gu sla'atamís.

AXWEESANOÓ SAGALOOA 22:8

Heé tlakweemaá dahaasiím hhituru'uuma gan bu'ún, nee xarasleemaawós kin giqáy.

AXWEESANOÓ SAGALOOA 7:27

Do'ós a loohír baraá giaá kaw, loohír hardah baraá kutwír gwa'ara.

ISAYA 55:7

Múk Tlákw lohduuín kudá' tlakw ki may, nee kudá' hota gana'a'aaká inslawoó tlákw ku may. I amór AAKOÓ MUNGÚ i ki/iye', inós gi gurtláy. I amór Munguúrén kaye', asma inós gurtleemuuwós ku yaariír.

ESEKIELI 18:11

Naxés na/aywí tlakweemaadá' baabuúwós aa tleehhiiká gi tlehhiit, muruudá' taa ilahhooár wa hanmiís gawaá tlom'i wa ale gun /aay, nee ta fuquus nee harér inslaawmoowós,

TLAHHOÓ LAÁWI 18:20

Ma baloó fuquusara' nee harér hee, nee tiri kilók slasla/arúr eér.

TLAHHOÓ LAÁWI 18:22

Ma baloó fuquusara' nee hhawaata adór /ameenír wa aleeró, adoosíng ka waak.

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

TLAHHOÓ LAÁWI 20:13

Bar hhawaata nee hhawaatuú hatlá' naa fuquusiyé' hariímár /ameenír wa alé, i hariín tsaraawo kiwa tsu/i, asma gár slasla/aar kaa tleéhh, nee tseerduuín i gawaá daandeemooín.

SEKARIA 5:3

Aluuwo iri báy, «Gár taa baraá kitaábuuwí gooín a lo'oodá' yaamu sleémeero gi /aay. Bihhaá wák awa kitaábuudae gár taa gooín a adór fisuuse kar qwaareesi iimír hamí ar harqoomoó lo'oodá', bihhaá tsare gár taa gooín a adór mukduú lo'ór lama ga /aa/aáy kur qwaareesi iimír hamí ar harqoomoó lo'oodá'.»

Matayo 19:29

Slám malé alé umuúqo heewo oo do'ós gwa geexay, laqaá qaymo, laqaá hhiya', laqaá hho'o, laqaá baabá, laqaá aayo, laqaá na/ii, as aníng, muruuwí sleémeero gu sagaáwa tsiiru wa ilaoh, nee slafíngw alhhe'eesay wásl guri aal.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Luka 21:8

Iri oó', «Ti haramagahhe', mutunduwa al/aáy. Asma múk yaariír ni hardah tiwa umuueénár ateetin, tawa kaahi, ‹Aníng a Kristo›, nee tawa kaahi, ‹Qooma naa tseewuúr›. Ala mi eehaarara'.

Tlehhema'aá ya/Abuuse 20:32

«Ala aníng hám daxta kuungá' nu qaás baraá dabaá Mungú, nee dír axweesantadár gurtleemuú Mungú. Tidá' kuungá' nu kwa/as nee nuri aalírí hanís dinkwa nee mukdá' taa hhoohhooeés.

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 1:18

Asma Mungú xarasleemaawós gina geehhooatís gawaá doorí wa ale daanduú múk tlakuuse nee oo aa dee/aanuut, kudá' looeema gaa sii' ar tlakweemaaín.

1 Korinto 15:33

Kuungá' miti kiloohúng al/agiimaara', «Asma mulqér tlakw i tlehhema'aá hhó' hhitiín.»

1 Korinto 15:50

Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

1 Korinto 3:16

Kuungá' a xua'akáhe adór kuungá' tar Doó Mungú, nee adór Qeeruú Mungú ir baraahúng hoót.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

1 Korinto 5:10

Aníng a kaahaaká ma dinku'uumisaara' nee múk baraá yaamu, kuduú fuquuse nee kudá' qahuuse, nee fisuuse, laqaá mukdá' munguaá hatlá' haratlintaatií'. Asma geera bar adoorí ngaa oó', geera alók kuungá' gár tunduwa hariím a baraaká' yaamu in geexeerá'.

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

1 Korinto 6:18

Gawaá adoorihe kuungá' fuqi ilaguwaak. Umuúqo tlakweemaá hee i tleehhi, gi slaqwtósí tlehhiitiiká. Ala heé fuquús, inós slaqwtós gan tlakweemií tlehhiit.

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

1 Korinto 9:24

Ahaá, kuungá' a xuá'aáke mukdá' qwaátl baraá ti'iingo, sleémeero tan ti'ii'ín, ala heé arba/ati ga sláw a wak kilós. Kuungá' sleeme adoorír qwaatlaak as arba/ati kawa sleera'.

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

Galatia 6:7

Miti kiloohúng al/agiimara'. Mungú ku niqaaqinká. Umuúqo gár hee i dahaasin, an tidá' i bu'un.

DABE 22:22

«Hee burkwa óh dír harér heé hatlá' wa ale, inooín tsaraawo aqo kin tsuu/, hhawaata nee /ameenirihe. Adoorí an adoodá' tlakweema kir hingeesa' baraá tla/angwhunge.

DABE 22:5

«/Ameena tlabaá hhawaate mingiwa tsitít, nee sleeme hhawaate tlabaá /ameena mingiwa tsitiitiyé'. Asma heé adoorí gaa tleehh gár AAKOÓ MUNGÚ, Munguúhúng i waki gan tlehhiit.

DABE 23:17

«Heé Israeli oo hhawaata laqaá /ameeni i baloó harinká iwa fuquusi dír doó munguaá hatlá' wa aleeró.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

Ebrania 12:16

Slám heé Munguú ilaiwawa/aaká miwa deeruút, nee oo qeeruú adór kuduú Esau gu koóm, kudá' aalirós ar bariisu'uuma gaa weeriis as muruú /aymár wák kilós.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

Yakobo 1:16

Hhaee'eé' awa sla'aaruúse, mutunduwa al/aáy.

1 Yohana 3:7

Laqwalór ninakw, hee munduwa al/aáy. Heé gan'amuú tlehhaahhiít, an heé ganaá' adoodá' Yesu ir ganaai.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.

HAR'OHUUSE 19:22

Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»