1 Korinto 6:6 - Biblía Axweesantá Hhohho' ar Mungú 2004

⁶ Ala laatí, dirhunge Krishaanmo kuqá' gun sakwasleemár áy dír geeraá mukdá' Mungú gwa haratlinti'iiká.

Ya/abtór hho' 1977

⁶ Ala laatí, dirhunge hee heewós gun sakwasleemár áy amór sakwasleemuuseedár haratlintaaór koomaaká.

1 Korinto 6:6 Iomraidhean Croise

IIMU/UUNGW 45:24

Yosefu nee hhaeewós tiri deelór i ooiyé'. Qoomár iwa tlatlaya', giri burumbuúr giri báy, «Ma giliimara' loohiro.»

Tlehhema'aá ya/Abuuse 7:26

Looaytleérós iri malé daqáy amór hhaeewós. Iwa hardáh naxés múk tsár oo Israeli ti muux. Giri har'ohín iri oó', ‹Xaysé' muk'eé', kuungá' a hhae, mas giliindá'?›

1 Korinto 6:1

Baraá tla/angwhunge heé wák barnaxes i kwasleemár kón nee heé hatlá', adór ir qiitli kwasleemadá' ngiwa huwi dír geeraá múk hota gana'aaká. Gár geeraawo hariim a gan huuw dír geeraá múk hhohhó' oo Mungú.

1 Korinto 6:7

Ala kuungá' bar ti kiloohúng sakwasleemutá' dír geeraá sakwasleemuusér wa alé, gaarí gár i laqaaqaan a kuungá' slafiingw ugwa harslaaqaté'. Ahaá, a tsiníheéke bar aga ya/aán tam ta sadakuusi? Ahaá, a tsiníheéke bar aga qítl tam taa gaa hayohi?

2 korinto 6:14

Kuungá' mutunduwa altsegiít baraá taaqwantá wák dinkwa nee mukdá' aa haratlintii'iiká, as tawa gadiyusa' dinkwa nee inooín. Asma adoorí i ya/aandaaká. Asma gan'amu nee dee/aanu adór tir slaya' a adoomá? Slám gwa/aateema nee giwti adór tir slaya' a adoomá?

2 korinto 6:15

Nee slám Kristo nee Neetlaangw adór tir axweesani slaya' a adoomá? Laqaá heé Krishaanmo nee heé Krishaanmowooká, gár tiwa slaya' a milá?

1 Timoteo 5:8

Ala umuúqo heewo oo mukós gu amohhe'eemisaaká, ak alé múk do'ósuú kilá', heé adoorí haratlintaao gaa sií', nee inós a heé ló'wa tlaákw ta kudá' aa haratlinti'iiká ba/a.