1 Korinto 6:15 - Biblía Axweesantá Hhohho' ar Mungú 2004

¹⁵ Kuungá' a xua'akáhe adór slaqoohúng tar diqoó slaqwtá Kristo? Ala aníng diqoó Kristo unqo taataáhha nguri diqoó tsaatuso'o tleéhh? Aasla'áy, adoorí i ya/aandaaká.

Ya/abtór hho' 1977

¹⁵ Kuungá' a xua'akáhe gídaabá slaqoohúng a diqoó Kristo? Ala aníng diqoó Kristo unqo taatáhha nguri diqoó tsaatuso'o tleéhh? Aasla'áy, adoorí i ya/aandaaká.

1 Korinto 6:15 Iomraidhean Croise

IIMU/UUNGW 44:17

Yosefu iri oó', «Aasla'áy, adoosíng a baloó tleehhaaká, aqo har kudá' isaangir'eé' kawa sláy in lawaalmooeé' tleehhiit. Kuungá' hatlá' sleémeero ki/é' ar wayda amór baabuúhúng.»

Luka 20:16

In hardah, doosluuseedá' gari tsuu/, nee qaymoodá' gari múk hatlá' i haniis.» Kaangwí kuwa axaás tari oó', «Aasla'áy, kangwsíng miwa tleehharuút.»

Rumi 12:5

Gawaá adoorihe atén sleémeero a adór slaqwtá wák baraá Kristowo, nee umuúqo heewo baraarene a diqtá kudá' hatlá' sleémeero.

Rumi 3:31

Gawaá adoorihe atén hara'aya an warqeemisaána ar haratlintaaoorí? Aasla'áy. A warqeemisaanaaká ala an gawdeemisaán.

Rumi 3:6

Aasla'áy. Asma Mungú geera adór muu ngur sakwasleemuuti a adoomá?

Rumi 6:15

Adoorí gídaabárós a milá? A tlakweema in tleehhána as adoodá' atén tawa baraá waawuti'iimár hara'ayarooká, ala tawa baraá waawuti'iimár gurtleemu? Aasla'áy, adoosingeeká.

Rumi 6:2

Aasla'áy a adoosingeeká. Ateéká' aga qatlaan dír tlakweemaawo, ala adór atén tar malé baraá tlakweemaá wa hootaan a adoomá?

Rumi 7:13

Ala hara'ayaarí hhoo' gwa'ara ngina húbi dir'eene? Aasla'áy a hara'ayaarooká, a tlakweema gwa'ara ngina huwiyé'. Ala tlakweema hara'ayaadá' hhoo' ngina ar gadiyusiyé', as aníng iwa gaasiya'. Gawaá adoorihe hara'aya tlakweema ngina laqaán adór tar gár ló'wa tlaakw.

Rumi 7:7

Ala atén gár taa ooaan a milá? Hara'aya a tlakweemaáwo? Aasla'áy a tlakweemaawooká. Ala án geeraawo tlakweema tsaahharo i aleeslawaaká hara'aya bir káhh. Án geeraawo ilatleeri a tsaahhaaká bar hara'aya iga beeriká, «Ma ilatleeruusaar.»

1 Korinto 11:3

Ala aníng a slaá' kuungá' kawa xua' adór Kristo tar ságw umuú hhawaata, nee hhawaata an ságw hareerós, nee Mungú an ságw Kristo.

1 Korinto 12:27

Gawaá adoorihe kuungá' a slaqwtá Kristo, nee umuúqo heewo dirhunge a diqito'ór wák gawaá slaqwtihe.

1 Korinto 6:13

Kuungá' a kata', «Muruú /ayma oo gura', nee gura' oo muruú /ayma.» Adoosíng ar ló', ala Mungú looarka wake muruuwí tsaraawo sleémeero gu qwaarees. Slaqwa kaa tleehhiiká as fuqi, ala slaqwa ar Aako, nee inós an Aakoó slaqwa sleeme.

1 Korinto 6:17

Ala heedaádá' taa haragaas dír Aako, heedaádá' qeeruuwós nee Aako aa wák tleehhiít.

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

1 Korinto 6:3

Nee slám kuungá' a xua'akáhe atén malayke kawa sakwasleemuutaan? Ala malayke bar sakwasleemuutaán, muruú slafingwí un ak sakwasleemuutaánaáke?

Galatia 2:17

Atén awa kilá' Kristo una haratlintiaán as tiwa gan'amií harafaari. Ala bar aga araán adór atén tara dakuusaán, nee adór atén tar ba/amanaaká bar hara'aya aga eeharaniiká, daxta an ooána atén Kristo tina qwaareés? Aasla'áy, a adooriheeká.

Galatia 3:21

Daxta bar adoorí, an ooána hara'ayár Mungú nee al'axweesantá Mungú ti slaslay'aaká? Aasla'áy, a adooriheeká. Ala geera barnaxes hara'ayár aleesleemuú koom kinga haniís, ar muu gu slafíngw i haniis, geera alók muu gan'amu gu sláy as hara'aya ngiwa óh.

Galatia 6:14

Ala aníng ti baloó xirfayeemiisaaká gawaá umuúqo gaaro, aqo har msalaábár Aakoorén Yesu Kristo. Gawaá msalaábarihe muu sleémeero kwa kikií' dir'eene, nee aníng taa kikií' dír muu sleémeerowo.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Efeso 5:23

Asma hhawaata a ságw hare, adoodár Kristo tar ságw mukós. Nee inós a Ba/amusmooín sleeme, nee inooín an slaqwtós.

Efeso 5:30

Asma atén a diqoó slaqwtós.

Kolosai 2:19

Inooín ta aldinku'uumisiiká nee Kristo, kuduú saga. Asma baraá geerahartá Kristowo slaqwa sleémeero kan /aymiis, nee diqiyaawós sleémeero, kin dinkwár i nigihhitis ar kane. Adoorihe slaqwa sleémeero /uuru gun sleér, iri uraareér adoodá' Mungú ngir slai.