1 Korinto 6:13 - Biblía Axweesantá Hhohho' ar Mungú 2004

¹³ Kuungá' a kata', «Muruú /ayma oo gura', nee gura' oo muruú /ayma.» Adoosíng ar ló', ala Mungú looarka wake muruuwí tsaraawo sleémeero gu qwaarees. Slaqwa kaa tleehhiiká as fuqi, ala slaqwa ar Aako, nee inós an Aakoó slaqwa sleeme.

Ya/abtór hho' 1977

¹³ Kuungá' a kata', “Muruú /ayma oo gura', nee gura' oo muruú /ayma.” Adoosíng ar ló', ala Mungú looarka wake muruuwí tsaraawo sleémeero gu qwaarees. Ala slaqwa kaa tleehhiiká as fuqi, ala slaqwa a ar Aako, nee inós an aakoó slaqwa sleeme.

1 Korinto 6:13 Iomraidhean Croise

Matayo 15:17

Aga tsahhi'iikáhe adór, gár hee aa /aáy ar afa, iri waaráhh ar baraá gura', kari baraá bohoóngwí kwaahh.

Matayo 15:20

Muruuwí an muruudá' hee gu meetagaás. Ala heé daba' gaa hamaatliiká dír /aymaaro, i meetagwaaiiká.»

Marko 7:19

asma i datká baraá muunuú hee, aqo har baraá gura' kilós, aluuwo nin ti'ít, kari kwaahh.» Axweesantihe gari xu'utís adór umuúqo gár /ayma ir hariín kawa /ayi.

Yohana 6:27

Muruú /aymaadá' hhitiruút mu sagadiyuusara', ala kudá' hotaatiím oo slafíngw alhhe'eesay wásl ngu huúw na sagadiyuusaak. Muruú /aymaarí Garmoó Hee ngu kuungá' i haniis. Asma Mungú Baabá inós gwa ya/án, guri aleesleemuuwós i haniís.»

Yohana 6:49

Baabi'iihúng maána kana /aáy baraá xaanxáy wa ale, ala qatlo kaa mayká.

Rumi 12:1

Gawaá adoorihe hhaee'eé', aníng kuungá' nun harhheehhe'eés as gurtleemuú Mungú, kuungá' slaqoohúng na haniisaak iwa ilahhooár slaáf tleehhitiya', tidá' hhoohhoo' ar Mungú gu qwal/atimis. Gaarí an sluufmisuuhúng kudá' gídaabár koóm.

Rumi 14:17

Asma waawuti'iimár Mungú a /ayma nee wahaangooká, ala a gan'amu nee wayda nee qwala/, kudá' Qeeruú hhoohhoó' oo Mungú ni huwi.

Rumi 6:12

Gawaá adoorihe kuungá' ma ya/aamara' tlakweema slaqoohúng kuká' qatlá' ngiwa baaliya', nee ilatleerír slaqwa kawa eeharahada'.

Rumi 7:4

Kuungá' sleeme a adoosíng, hhaee'eé'. Asma adoodár Kristo ira gwaá', kuungá' sleeme ana qatlé', nee slám kuungá' a baraá waawuti'iimár hara'ayár i dir'a'aaká. Kuungá' a múk heé hatlá', kudá' naa waaslee/ baraá múk aa qaátl wa ale. Gawaá adoorihe tlehhma'aá hhohho' in tleehhaán awa Mungú ngu qwal/atisá'.

1 Korinto 3:16

Kuungá' a xua'akáhe adór kuungá' tar Doó Mungú, nee adór Qeeruú Mungú ir baraahúng hoót.

1 Korinto 6:15

Kuungá' a xua'akáhe adór slaqoohúng tar diqoó slaqwtá Kristo? Ala aníng diqoó Kristo unqo taataáhha nguri diqoó tsaatuso'o tleéhh? Aasla'áy, adoorí i ya/aandaaká.

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

2 korinto 11:2

Aníng gura' iga óh as kuungá'. Guruuwí aníng iga oh, amór i dahhi a amór Mungú. Asma kuungá' a adór /amaatliito'ór hhoohhoo' ar taa kwatiitiiká. Aníng al'axweesani aga haniís, /amaatliito'oorí ngiwa haniis dír hhawaatuú wák. Nee hhawaatuuwí an Kristo.

2 korinto 5:15

Nee slám inós ina gwaá' as daanduú muu sleémeero, as mukdá' slaáf matawa kumiít hotaango as inooín kilooín, ala ta hooti as kudaádá' aa gwaa' nee iri waasleé/ as inooín.

Galatia 5:24

Múk Kristo Yesu slaqooín gaa kikií' dinkwa nee sla'aarír tlakw ar slaqwa nee ilatleeri.

Efeso 5:23

Asma hhawaata a ságw hare, adoodár Kristo tar ságw mukós. Nee inós a Ba/amusmooín sleeme, nee inooín an slaqwtós.