1 Korinto 6:1 - Biblía Axweesantá Hhohho' ar Mungú 2004

¹ Baraá tla/angwhunge heé wák barnaxes i kwasleemár kón nee heé hatlá', adór ir qiitli kwasleemadá' ngiwa huwi dír geeraá múk hota gana'aaká. Gár geeraawo hariim a gan huuw dír geeraá múk hhohhó' oo Mungú.

Ya/abtór hho' 1977

¹ Baraá tla/angwhunge heé wák barnaxes i kwasleemár kón nee heé hatlá', adór ir qiitli kwasleemadá' ngiwa huwi dír geerá sakwasleemuuseedár baraá múk Kríshaanayheeká. Gár geeraawo hariím a gan huuw dír geerá múk hhohhó' oo Mungú.

1 Korinto 6:1 Iomraidhean Croise

Matayo 5:45

as kahhó' kuungá' tawa na/aá Baabuúhúng kuduú gawaá doori tleehhita'. Asma inós tsee/amá gun gwa/atimis dír múk tlákw nee oo hhoe, slám tluwaay gun hanmiis dír múk gan'amuú koóm nee oo ngu kooma'aakahe.

Tlehhema'aá ya/Abuuse 19:38

Ala bar Demetrio nee mukwí nee inós algadiyuusá' gaa ka kón ar hee kuwa sakwasleemuuti, maraá kwasleema i dayá', nee mukdá' urén oo kwasleema i deer. Ti amorqá' wa sakwasleemuutiye'.

1 Korinto 1:2

amorhúng i alé, kuungaásingá' kríshaanáy, awa baraá yaamaá Korintór i diriia'. Kuungá' a múk Mungú gwa haratlintii'. Kuungá' tunduna hhoohhooeés ar baraá Kristo Yesu, tunduri ateét, as tawa múk hhohhó' oo Mungú, dinkwa nee mukdá' sleémeero oo Aakoorén Yesu Kristo gu ateetiím umuúqo diiro. Inós a Aakooín, nee slám a Aakoorén.

1 Korinto 14:33

Asma Mungú a Munguú leexwaywooká, ala a Munguú wayda. Ar adoodá' múk hhohhó' oo kríshaanáy i tlehhahhiti umuúqo diiro,

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

1 Korinto 5:12

Asma mukdá' kaáhh baraá múk kríshaanayhe aníng gár ngus sakwasleemuut a milá? Kuungá' sleeme múk ta sakwasleemuta' a kuduú baraá múk kríshaanáyheéke?

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?