1 Korinto 5:7 - Biblía Axweesantá Hhohho' ar Mungú 2004

⁷ Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, daqaní kuungá' a hhohhoouurá'. Daqaní kuungá' a xwaantér /aben ar mikaáte tleehhitá', tidá' taa sluuftisiiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

Ya/abtór hho' 1977

⁷ Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, as daqaní kuungá' a hhohhooeerá'. Daqaní kuungá' a xwantér /aben ar mikaáte tleehhitá', tidá' taa sluufitisiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

1 Korinto 5:7 Iomraidhean Croise

TI'INAANGW 12:15

«Mikaátér taa sluuftisiiká an /agá' deelo faanqw. Bál geeraawo muruudá' taa sluuftís sleémeero un duxá' baraá marayhunge, asma umuúqo heé gár taa sluuftís gaa /aay iimír bál geraá wá ale ay bál faanqw, heé adoosíng a tlatlahhasa baraá xoorór Israeliwo.

Matayo 13:33

Yesu slaqsoó hatlá' guri dir'ín i káh, iri oó', «Waawuti'iimár doori a slaqás nee gár mikaáte ir sluufaasluf, ar /ameeni aa qás baraá puuruú, oo har afi qoomoó deebadaá tsár, tam puuruúdá' sleémeero iri sluúf.»

Marko 14:12

Bál iimu/úngw deelór ur ar Mikaáteedá' taa sluuftisiiká, nee ar deelmoó bee/i oo Pasaáka kuwa gaás, eeharuuse Yesu guna yaahás, guri beér, «Dír ta sla' a diimá ar ta amohhe'eesaan ar muruú /aymár Pasaáka kuwa /ak?»

Yohana 1:29

Bál tsár Yesu iwa amór Yoháné kay, kuri ár nee Yohane. Yohane iri oó', «Ga/aawaak Deelmoó bee/i oo Mungú, kudá' tlakweemaá muu gi hingeemiís.

Yohana 1:36

Yesu kuri ár iwa hi'iimiti. Yohane iri oó', «Ga/aawaak Deelmoó bee/i oo Mungú.»

Yohana 19:14

Siiwadá' a looár lahhoó' ar tlaatla/aangw ar baalaadár amohhe'eemisuú Pasaáká, nee looaytleérós a deelór Pasaáka. Pilato múk Yahudi guri báy, «Ga/aawaak, Waawutmoohúng.»

Rumi 3:25

Mungú Yésuuwí nguna haniís, as gurtleemuú tlakweema inós nguwa múk i slay ar gwa'araarós. Hee gurtleemuuwí gun sláy bar Yesu ngwa haratlintií'. Mungú adoorí gana tleéhh as loohirós ngiwa laqan ar hee ngur gan'amií harafaari. Asma aáng Mungú tlakweemaá muu gina sa qiqtlín, baraá qartadá' aa waarahhi.

1 Korinto 10:17

Atén a slaqwtá wák, tam atén ti yaariire, asma mukatmo a wak, nee atén sleémeero tlaqtá mukatmoodá' wák a ilaohiimaán.

1 Korinto 5:13

Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Geehhoeemaá 5:12

Inooín tari daá' ar afór ur ta kaahi, «Deelmoó bee/i, kudá' taa gaás, inós i harín aleesleemu nguwa slay, nee daqaari'iima, nee sagalooa, nee /uuru, nee xirif, nee ilaiwa/ame nee tsuuqa.»