1 Korinto 5:13 - Biblía Axweesantá Hhohho' ar Mungú 2004

¹³ Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

Ya/abtór hho' 1977

¹³ Ala mukdá' baraá múk Kríshaanayhe kaáhh, heé gu sakwasleemuút a Mungú. Asma Gooi i kat, “Heé tlaákw hingeesaak baraá tla/angwhunge.”

1 Korinto 5:13 Iomraidhean Croise

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

DAHARUSMO 9:18

Sagalooa xooslár slaqwara ga bá/, ala heé tlaákw oo wák hhoeemaá yaariir gin hhitín.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

1 Korinto 5:5

daqaní heesíng ku hanisá' amór Neetlángw i alé, as slaqwtós kwa hhitin, as qeeruuwós daqaní iwa ba/an Baalaadár Aakoorén Yesu binda hardát.

1 Korinto 5:7

Kuungá' gadaádár aáng ar mikaáte kar sluuftimaamisi, tidár tlakweema, hingeesaak dirhunge, daqaní kuungá' a hhohhoouurá'. Daqaní kuungá' a xwaantér /aben ar mikaáte tleehhitá', tidá' taa sluuftisiiká. Nee adoorí an adoodá' kuungá' hám tay dir'a', asma deelmoorén oo Pasaáka gaasaro kwaa qaroó hhe'eés. Nee inós an Kristo.

DABE 13:5

Ala aaruuseedá' sleémeero nee mukduú tlata sleémeero un tsu/á', as lameemo nee al/ayma ngiwa axweesiyá' daanduú AAKOÓ MUNGÚ, Munguúhunge, kudá' kuungá' naa baraá yaamaá Misrír wa duux, nee naa baraá lawaali'iimár wa tuu/. Aaruuseedá' kuungá' nun qwaareemís baraá loohidá' AAKOÓ MUNGÚ, Munguúhúng naa kuungií hara'ayín kawa ota'. Adoorí an adoodá' tlakweema kir hingesa' baraá tla/angwhunge.

DABE 17:12

Barnaxes hee kaahamusmoó Mungú kudá' taa qaás, as AAKOÓ MUNGÚ, Munguúhúng nguwa sagadiyuusi, laqaá har'ohusmo, gu iialooeemisiiká, heewí a gaasa. Adoorí an adór tlakweema kir hingeesa' baraá tla/angw múk Israeliwo.

DABE 17:7

Mukduú lamabu'uuse masók an múk gu giiriís tlaqutuwo, naagáy daqaní múk hatlá' ngu aluú wa tsaxaari. Adoorí an adoodá' tlakweema kir hingeesa' baraá tla/angwhunge.

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

DABE 22:24

inooín tsaraawo duuxaak baraá gixsaro nee ki tlaqutá' ar tlaa/e ay dír i qatliya'. Dasiirí in hariín kawa tlaa/ér tlaquuti as inós iwa tseiká, as kawa alee/isi, inós iqo baraá gixsárí dirí'. Hhawaata aqo kun gaas asma dasír inslaawmoowós i lehhiiti ga alsi'imúr áy. Adoorí an adoodá' tlakweema kir hingeesa' baraá tla/angwhunge.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,

HAR'OHUUSE 20:13

Mukwí aa hhiturumiit baraá Gibearo duuxare' as kuwa tsu/aan nee tlakweemaaká' kiwa hingeesaan baraá Israeliwo. Ala tlahhoó Benyamini kángw hhaeeín kwa ya/aniiká.»