1 Korinto 5:11 - Biblía Axweesantá Hhohho' ar Mungú 2004

¹¹ Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

Ya/abtór hho' 1977

¹¹ Ala aníng gár naa gooiím a tí gídaabá, ma dinku'uumisaara' nee heé ta babay hhiya', ala laatí inós a fuqusmo, laqaá ilatleerusmoó peésa, laqaá heé munga'aá hatlá' haratlintaatií', nee laqaá heé múk /ooslisliím, laqaá oonitusmo, laqaá malgusmo. Ala heé adoorí mu ya/aamara' tam tawa al/ayiinda' nee inós.

1 Korinto 5:11 Iomraidhean Croise

WARA'AMI 10:3

Tlakusmo tin xirfayeemiis as ilatleeri tidá' tlakw ar baraá muunaáwós, nee heé qahusmo AAKOÓ MUNGÚ gun /oosliislín nee gun sii'.

WARA'AMI 101:5

Heé inslaawmoowós gu qawti /aysántií tlaáq, u qwaareés. Heé hi/inír ar xumiís nee oo daara/aám, u ilií oohaaká.

ESEKIELI 22:12

Mukko baraahunge muu gun peésaárí hanmiis as múk hatlá' kuwa tsu/i. Aldaafi ana ót, nee muruuwók una peésár hara/untsár weermís as tawa daqaari'iimár gaanslár sla', aníng iri ló'wa gunqaarés.› Anuú Aakoó MUNGÚ tí ngina oó'.

Matayo 18:17

Nee inooín barnaxes gaa malé iiárií qaasiiká, haratlintaauuse xu'utiseek. Nee haratlintaauuse barnaxes gaa malé iiárií qaasiiká, heé adoosíng diroge masók a adór heé xoordaá hatlá' nee heé koódír ohaahiím.»

Matayo 23:25

«Ala kuungaá intsaahhatuusér hara'ayár Mose nee múk Farisayo, awa hhaahhafuuse, a tsaxwaahúng. Asma kuungá' daanduú isaangi nee oo qwaree/amo in hamtlitá', ala baraá guruuwose gár aa hats a /ayta nee har qoomay wasle.

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Luka 21:34

«Ti harmagahhe', munerhúng miwa hhitirút ar hheehha, nee xufta, nee ma daawimitaara' as muruú baraakaá yaamu, deeloodár alhhe'eesaay munduwa hhaawís adór tsaaxweeli ir ohaahiin.

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Tlehhema'aá ya/Abuuse 9:17

Anania iri tláy, iri baraá do'dí dáh. Saulo guri dabií qaás, iri oó', «Hhiyaaeé' Saúlo, Aako Yesu, kudá' taa dirógí geehhooees baraá loohidá' nira hardati aníng iga ya/aáw, as ilaawók niwa male qaytsitiya', nee tuwa hatsisi Qeeruú hhoohhoó' oo Munguhe.»

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

1 Korinto 10:14

Gawaá adoorihe, sla'aaruuser'eé', kuungá' sluufmisuú munguaá hatlá' ilaguwaak.

1 Korinto 11:21

Asma qoomár /aymaaro umuúqo heewo muruú /aymaarós gun kilós /aay. Ala gár aluudá' ngi haar a heé wák in didá' wa iwiwiit ar qwari, ala kuqá' aa qaroó ooniít.

1 Korinto 5:13

Ala mukdá' baraá múk kríshaanayhe kaáhh, heé gu sakwasleemuút a Mungú. Asma Gooi i kat, «Heé tlaákw hingeesaak baraá tla/angwhunge.»

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

1 Korinto 6:6

Ala laatí, dirhunge Krishaanmo kuqá' gun sakwasleemár áy dír geeraá mukdá' Mungú gwa haratlinti'iiká.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

1 Korinto 7:12

Ala mukduú hatlá' heé gu ádbáw a aníng, a Aakoowooká, an kah, «Krishaanmo barnaxes hare ga kón ar Krishaanto'oorooká, nee hareedá' bar inós aa ya/aán tawa al hooti nee inós, hareerós mingiwa guús.

1 Korinto 7:15

Ala hhawaatuuduú krishaanmowooká barnaxes hareerós ga talaákár i haniisár wa slaa', ngi haniisi. Laqaá hareedár krishaanto'oorooká barnaxes hhawaatuuwós gu geexeemuú wa slá', ngu geexeer. Asma hhawaatuuduú krishaanmo, laqaá hareedár krishaanto'o, inooín kaa tseegiiká nee hara'aya baraá muruuwihe. Mungú atén tina ateét as tawa hootaan ar wayda.

1 Korinto 8:11

Gawaá adoorihe Krishaanmoodá' haratlintaao tununuú/ kudá' Yesu aa sa gwaá', kwaa qwaareés as xu'utirók.

Galatia 2:12

Inós nee múk xoordaá hatlá' tana al/ayín, mukko niri hardáh oo tinda ya/aáw nee Yakobo Yerusalemúr wa ale. Mukdá' niwa hardáh, Petro tiri paraátl dír mukduú xoordaá hatlae, dír /ayma gari geexáy, asma i múk Yahúdír da'ayumiit, kudá' káh, múk xoordaá hatlá' ku al/utlin.

Efeso 5:18

Kuungá' xuftár difaáiro ma kumiitara', asma slafingwhúng sleémeero u qwaaresá'. Ala masók tundun hatsiis Qeeruú hhoohhoó' oo Munguhe.

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

2 Tesalonike 3:14

Heé axweesanoó baraá barwaárí gwa sii', heé adoorí ga/aawaak, ma aldinku'uusara' nee inós as dakuúsarós ngiwa tsaahhi.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.