1 Korinto 5:10 - Biblía Axweesantá Hhohho' ar Mungú 2004

¹⁰ Aníng a kaahaaká ma dinku'uumisaara' nee múk baraá yaamu, kuduú fuquuse nee kudá' qahuuse, nee fisuuse, laqaá mukdá' munguaá hatlá' haratlintaatií'. Asma geera bar adoorí ngaa oó', geera alók kuungá' gár tunduwa hariím a baraaká' yaamu in geexeerá'.

Ya/abtór hho' 1977

¹⁰ Gár naa gooiím a gídaabaheeká ma dinku'uumisaara' nee múk baraá yaamu, kuduú fuquuse nee kudá' peésár ilatleeruusá', nee malguuse, laqaá mukdá' munga'aá hatlá' haratlintaatií'. Asma geera bar adoorí ngaa oó', gídaabá ma dinku'uumisaara' nee kuká', geera alók kuungá' gár tunduwa hariím a baraaká' yaamu in geexeerá'.

1 Korinto 5:10 Iomraidhean Croise

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Yohana 17:6

«Án kuúng ugwa xu'utís dír mukdá' naa hanís baraaká' yaamuwo. Inooín a mukók, nguri aníng i hanís, nee axweesantók kaa óh.

Yohana 17:9

«Án kuká' in aleefiririím. Aníng múk aa haratlintii'iiká u aleefiririimaaká, ala a kuká' kuúng naa aníng i hanís, asma a kók.

Yohana 8:23

Yesu iri oó', «Kuungá' awa baraay, aníng oo gawa. Kuungá' awa yaamuuká', aníng oo yaamuukaeeká.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 10:27

Bar heé Krishaanmowooká kuungá' naa dahi'ís, nee kuungá' barnaxes a daqeemuú sla'á', umuúqo gaaro /ayaak, tidá' taa geeraahúng i qaás. Amór i dahh ma yaahamisaara', as haratlintaaorhúng.

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

1 Korinto 5:9

Baraá barwito'or'eé' tidá' naa amorhúngií gooimi nuna báw, kuungá' ma al dinku'uumisaara' nee fuquuse.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

Efeso 2:2

Qoomaadae kuungá' loohír tlaakw ana oté', tidár yaamuuká'. Kuungá' waawutmoó qeeruú neetlaame, kudá' gáwtí dirií', una eehadé', qeeruudá' gadiyuús hamí baraá múk Mungú gwa sií' wa ale.

Filipi 2:15

Kuungá' masók an na/aá Mungú awa xaslxaansli wasl nee dakuús wasl, kuungá' masók baraá tla/ángw qartí tlaakwe tundun geehhoó' tawa adór tsatse/uú gawaá doorí dirií',

1 Yohana 4:5

Inooín awa baraá yaamu, gawaá adoorihe muruú ta axweesi oo baraá yaamu, nee yaamu tooín ngi axamiisiyá'.

1 Yohana 4:7

Sla'aaruúse, ti sla'asla'aané'. Asma sla'aari amór i dahh a amór Mungú. Heé sla'aarír koóm, kwaa laqwaál nee Mungú, nee inós Mungú gwa tsaáhh.

1 Yohana 5:19

A xuaán adór atén tar múk Mungú, ala yaamu sleémeero kudá' tlaákw gin baliit.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.