1 Korinto 5:1 - Biblía Axweesantá Hhohho' ar Mungú 2004

¹ Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

Ya/abtór hho' 1977

¹ Án iidíguuko ugwa axaás gídaabá heeko i deer baraá tla/angwhunge oo fuquús nee harér baabuúwós. Fuqtár adór tí kaa dii wa axaasiiká tam baraá múk xoorduuwo.

1 Korinto 5:1 Iomraidhean Croise

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 37:2

Adoorí an alki/ituú xwaylár Yakobo. Qoomár Yosefu kureeriiwós tawa mibaá nee faanqw, inós i bee/ángw deaaén nee hhaeewós. Yosefu tawa masoomoó kureeraá mibaá nee faanqw nin aldeaená' nee daaqoó Bilha nee Silpa, tlaawoó baabuúwós. Yosefu muruudá' tlákw hhaeewós i axweemaamisiya' nee i tlehhaahhitiya', gun dír baabuúwósí alki/a/iit.

IIMU/UUNGW 49:4

Kuúng a adór gwaanduú ma'aay, ila/aro tu gawít. Ala kuúng a baloó heé ureeká geeraá hhaeewoge, asma kuúng qatanír baabuúhúng ana i tsa/aán, baabuúwók kuri mureekés.»

2 SAMUELI 16:22

Gawaá adoorihe muu Absalomu guri heémaárií siíhh gawaá daanduú do'. Absalomu iri qaqatín nee /ameenaadár baabuúwós dír ilaá múk Israeli sleémeero wa ale.

2 SAMUELI 20:3

Naagáy Daudi iri hardáh baraá gixsár Yerusalemu amór do'ós. Waawutmo /ameenaarós tidá' mibaangw ar quturmo wasl, tidá' aa geexáy dír do' as iwa doó ga/eer, gari huúw baraá doó wák as kiwa baradií xun, gin baradií amohhe'eemiis, ala i qatuú aa'ayká amor'ín. Kina baraá do'wií dahaás, ti'inaangw i kaahh ay qatlo. Nina hootiyé' adór /ameenár kwaeeli.

1 QOM'I 5:1

Mukwí an xwaylár Reubeni, garmoó baris oo Israeli (ala inós giisa guna dakuús, iringeé gari tleéhh, as iwa qaát gawaá qatantá baabuúwós nee /ameenír baabuúwós) hariímadá' inós tawa barismo kana haniís dír Yosefu garmoó Israeli. Gawaá adoorihe, tlahhaywós kwa harafariiká baraá tlahhay'ine, tawa oo garmoó baris.

YEREMIA 2:33

Kuúng tu ló'wa ilakaahaár mulqe leelehhtuuwo. Gawaá adoorihe tam /ameenár tlakw aga intsaahhatís loohirók tihe.

ESEKIELI 16:47

Kiíng naa dír lohduuín ngaa harki/ká eeharahaduwo, laqaá naa qoomoó slasla/aruín harki/ká. Har afiqoomár niinawe kiíng ana ló'wa hhiturút ta ak inooine baraá tlehhmi'iiwók sleémeero.

ESEKIELI 22:10

Baraahunge múk nee tlaawoó baabi'ii'ín fuquusá' i deer. Mukwí in fuquus sleeme nee /ameenár baraá deelor'ínií dirii'.

TLAHHOÓ LAÁWI 18:8

Baabuúwók mu mureekeesaar tawa fuqusa' nee hareerós tam gaalá. Asma inooín an ín aayo diroge.

TLAHHOÓ LAÁWI 20:11

Bar hhawaata nee harér baabuúwós taa fuquús, a baabuúwós gun mureekeemiis, inooínaaká' tsaraawo gár kiwa hariím a tsu/uta, tseerer'ín i gawaá daanduuín.

AMOS 2:7

Inooín múk aleesleemuú koomaaká ngun baramaanuusiyá', nee hariímár narkuute kana hayoohín. Garma nee baabuúwós tan fuqtá áy dír dasír wák. Gawaá adoorihe umuueé' kudá' hhoohhoó' nguri meetagaasiyé'.

Tlehhema'aá ya/Abuuse 15:20

Ala barwá masók an amor'íní gooiimaán as tiwa harmagaahhiya' nee muruudá' taa ilahhooár munguaá hatlá' wa haniís, nee tsaatu'uuma, nee fu'unaydá' makiito'ór taa af'óh, nee tseere.

Tlehhema'aá ya/Abuuse 15:29

Ti harmagahhe' nee muruudá' sleémeero taa ilahhooár wa tsuú/ dír munguaá hatlá', nee tseere, nee fu'unaá makiito'ór taa af'óh, nee tsaatu'uuma. Birta harmagahhé' baraá muruuwihe, daqaní adór hhoo' aga tlehhé'. Deeloosé'. »

1 Korinto 1:11

Hhaee'eé' aníng kangwhúng ugwa axaás dír múk doó Kloe wa alé, adór baraá tla/angwhunge kaangani ir deér.

1 Korinto 5:11

Ala aníng gár naa gooiím a tí, ma dinku'uumisaara' nee heé ta babay Krishaanmo, ala laatí inós a fuqusmo, laqaá qahusmo, laqaá heé munguaá hatlá' haratlintaatií', nee laqaá heé múk /ooslisliím, laqaá oonitusmo, laqaá fisusmo. Ala heé adoorí mu ya/aamara' tam tawa al/ayiinda' nee inós.

1 Korinto 6:13

Kuungá' a kata', «Muruú /ayma oo gura', nee gura' oo muruú /ayma.» Adoosíng ar ló', ala Mungú looarka wake muruuwí tsaraawo sleémeero gu qwaarees. Slaqwa kaa tleehhiiká as fuqi, ala slaqwa ar Aako, nee inós an Aakoó slaqwa sleeme.

1 Korinto 6:18

Gawaá adoorihe kuungá' fuqi ilaguwaak. Umuúqo tlakweemaá hee i tleehhi, gi slaqwtósí tlehhiitiiká. Ala heé fuquús, inós slaqwtós gan tlakweemií tlehhiit.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

2 korinto 12:21

Aníng a da'ayumiít asma binda malé hardáh amorhúng, Munguúeé' aníng i malé mureekees dirhunge, nee aníng niri gurhaamuút as múk yaariír oo aa hhu'u'unká tam ay hamí, kudá' tlakweema gaa tlehhiit iimír qoomaadá', tari kumiít baraá slasla/aruuine, nee baraá tsaatu'uumaro nee tam baraá fuqti'ín tidá' taa tlehhiiti.

2 korinto 2:5

Ala heé gurhaami ngaa huuw bir deer, aníng iga gurhaamír ar ayká, ala a kuungá' sleémeero nuna gurhaamír ar áy. Ala dooqa an oo', a kuungá' sleémeeroowooká, as aníng lama mawa oó'.

2 korinto 7:12

Gawaá adoorihe, aníng tam barwaádá' ngaa gooiimi, aga gooiimiiká as heedá' aa dakuus, laqaá aga gooiimiiká as heedá' taa sadakuús. Ala aníng ana gooiím as ngiwa laqaam dír geeraá Munguhe adór kuungá' atén tir ló'wa sla'á'.

Galatia 5:19

Tlehhma'aá slaqwa ki geehhoo', a kuká': Sli'ima, nee tlehhma'aá slasla/aren, nee tsaatu'uuma,

Efeso 5:3

Ala tsaatu'uuma nee slasla/areemaá dimbadimbé, nee ilatleeri, muruuwí mukuwa baloó oó' dirhunge, as kuungá' tawa múk hhohhó' oo Mungú.

DABE 22:30

«Umuúqo hhawaatuuwo harér baabuúwós mingiwa duúx, laqaá tam mingiwa tlaba' waatleés.»

DABE 27:20

«Umuúqo heé aa qaat nee harér baabuúwós, kwaa lu'ús.» «Nee muu sleémeero ta ooi, Amin.»

Kolosai 3:5

Gawaá adoorihe kuungá' ilatleerír slaqwa gaasaak, dinkwa nee tlehhmi'iiwós sleémeero, adór tsaatu'uuma nee slasla/aareema, nee ilatleerír tlakw nee inslawoó tlákw, nee da/i. Asma heé da/itá koóm, a heé munguaá hatlá' haratlintatií'.

1 Tesalonike 4:7

Asma Mungú atén taa ateetiiká as slafíngw tsaatu'uuma kuwa ar hootaan, ala tina ateét as slafíngw hhohhó' kuwa ar hootaan.

Geehhoeemaá 2:21

Aníng pa/aangw una haniís dirós i alé as iwa hhu'u'uun. Ala fuqtós tidá' gaa sí' hhu'u'uungo.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

1 SAMUELI 2:24

Aasla'áy daaqay'eé', kangwsíng ni axmiís dír múk AAKOÓ MUNGÚ wa ale daanduuhunge i tsuuiiká.