1 Korinto 4:8 - Biblía Axweesantá Hhohho' ar Mungú 2004

⁸ Kuungá' aga qaroó axé'. Aga qaroó daqaari'ité'. Nee kuungá' waawuti'iima aga sleeré', ala atén a kahhaán. Ala geeraawo alók kuungá' masók an waawitá, asma daqaní atén a alwaawuti'iimaán nee kuungá'.

Ya/abtór hho' 1977

⁸ Kuungá' aga qaroó axé'. Aga qaroó daqaari'ité'. Nee kuungá' aga waawita' tleehhité', ala atén a kahhaán. Ala geeraawo alók kuungá' masók an waawitá, asma daqaní atén a alwaawiti'iimaán nee kuungá'.

1 Korinto 4:8 Iomraidhean Croise

AXWEESANOÓ SAGALOOA 13:7

Heeko daqaari'iima gan leeleehh ar umuúqo ado, ala ga slayká, kooko bir axwees gár i kon i káhh, ala inós a daqaarmo.

AXWEESANOÓ SAGALOOA 25:14

Adoodár huunkoó tluwoó koomaaká nee fur'a i dirii'iya', an adór heé gaa ga ala oo' aluuwo gari hanisiiká.

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

YEREMIA 28:6

Guri báy, «Masók an adoosíng, AAKOÓ MUNGÚ adoosíng ngi tleehhi, AAKOÓ MUNGÚ axweesantók tisíng ngi boo/eesi, xooslár Doó AAKOÓ MUNGÚ ngi baraá Babuloni wa ki/isi, dinkwa nee muu sleémeero kudá' taa amoodií loohatís.

FAARO 11:29

Ala Mose guri mu/aywaáts, «Ahaá gár kuúng da/i usa ót a milá as aníng? Hamí geera a tsiní AAKOÓ MUNGÚ mukós sleémeero burngwa qeeruuwós i haniís nee tari aaruuse.»

Matayo 5:1

Yesu boo/oó muu nguwa ár, iri tsa/án gawaá tlooma, qoomár iwa iwiít eeharuuseerós guri i daqeér.

Luka 6:25

Kuungaásingaá aaxá' hamí, a tsaxwaahúng, asma kuungá' a qwaritá'. Kuungaásingá' awa qaseseemá' hamí, a tsaxwaahúng, asma kuungá' a tsuunqumisá' tay /aa/amiindá'.

Tlehhema'aá ya/Abuuse 26:29

Paulo iri oó', «Tam ar /ayma'aá yaariir laqaá tam awa niinawe, ala gár ni fiririim dír Munguhe, kuúng masók an adór aníng tleehhít, ala mutuwa adór aníng wa tseék. Slám a kuúng kilogeeká, ala tam mukwí sleémeero oo aníng i iiárií qamiím diirihe.»

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

1 Korinto 1:5

Asma baraawose kuungá' mura' sleémeero ugwa sleeré', tam axweesani sleémeero nee xu'uti sleémeerowo.

1 Korinto 4:18

Bahh'alé baraá tla/angwhunge ta kaahi aníng ni amorhúngií daqawká, niri daara/uumitiyé'.

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

2 korinto 11:1

Aníng qoomár bar dakti'iimar'eé' káh, alók geera án kuungá' in sa qiqtliindá'. Ar ló', án kuungá' i tsuwa sa qiqtliindá'.

2 korinto 13:9

Asma kuungá' bar /uuru u koondá', direne a qwala/ tam atén ti daqeetlakwene. Gár atén ta firiirimaan a tí, kuungá' masók a múk ganaá' tleehhitá'.

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Geehhoeemaá 3:17

Kuúng a kat, ‹Aníng a daqaarmo. Án tina kilooeé' daqaari'iitís, slám gár iwa /aaruur i káhh.› Ala laatí kuúng a xu'uká adór kuúng tar liitlakusmo, kuúng a heé gurtleemuú slaá', nee a narkutmo, nee heé taampa, nee slám a /aankwets.

Geehhoeemaá 5:10

Kuúng inooín in waawitá wa qás, nee in kaahamuusér Mungú wa qás as Munguúrén kuwa sagadiyuusi. Nee inooín yaamu ngiri sa waawuti'ii'iná'.»