1 Korinto 4:5 - Biblía Axweesantá Hhohho' ar Mungú 2004

⁵ Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

Ya/abtór hho' 1977

⁵ Gawaá adoorihe hee mu gaanslár sakwasleemuutara', ay dír Aako nay hardahi. Inós muruudá' taa luú/ baraá giwtír i alé, ngun geehhooutis dír gwa/aát i alé, nee inslawoó munér muu nguri geehhoutis. Daqaní umuúqo heewo xirfuudá' inós wa hariím gu sláy dír Munguhe.

1 Korinto 4:5 Iomraidhean Croise

YOBU 12:22

Iloodaá baraá giwti gin geehhooees, nee muruú baraá giwti ngun huúw baraá gwa/aateema.

AXWEESANOÓ SAGALOOA 12:8

Hee kun xirfayees ar qoomoó fuquraangós, Ala heé saga gawít kun waaqaa'.

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

DAHARUSMO 12:14

Asma Mungú tlehhmi'iirén sleémeero gin sakwasleemuut, tam kudá' taa naaqo tlehhiitaán, tam ki hhó' laqaá ki tlákw.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 23:25

Aníng axweesantá aaruuseedá' lamtá aaririim ar umuueé' aga axaás tidá' tawa kaahi, ‹Aníng aga tlatitiím, aníng aga tlatitiím.›

HOSEA 8:13

Inooín ilahhooár muruú ta tsu/i hanmisuuwo ngi slaiyá', nee fu'unaydá' kiri /aay. Ala AAKOÓ MUNGÚ ku baloó sla'atimisiiká nee inooín. Aníng hamí tlakweemaaín kuká' in insláw ngiri muúx as tlakweemaaín kuká', ngiri ki/ís baraá lawaali'iimár yaamaá Misri.

MALAKI 3:18

Daqaní kuungá' kay tsahhá' dimbér awa tlakw nee awa ganaa'á', nee dimbér múk Mungú gu sagadiyuús nee oo gu sagadiyuusaaká.› »

Matayo 10:26

«Kuungá' mukwí mu da'ayumitaara'. Asma umuúqo gaaro ar taa tuuntuúk, ka waatlees, nee umuúqo gaaro ar taa luú/, ka geehhooees.

Matayo 24:30

Daqaní layár Garmoó Hee kari ar gawaá doori, nee xoordu sleémeero awa baraá yaamu tari tsuunqumiis. Garmoó Hee kuri ar, niwa awdiiti ar huunkoó gawaá doori, ar /uuru nee xirfuú yaariír.

Matayo 24:46

Heé amohhoó' a sagadiyusmoó adoodá' gaa tleehh aakoowós guri adoodí áy.

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 25:23

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Luka 6:37

«Muu mu sakwasleemuutara', nee kuungá' tundu sakwasleemuutiiká. Muu mu tawó bareetimaara' kahhó' kuungá' tundu bareetinká. Muu gurtlatlaawaak, kuungá' tundu gurtláy.

Yohana 21:22

Yesu iri oó', «Án barnaxes a slaá' kwí iwa slafi ay dír án ni kii/, gár kuúng u huuw a milá? Án kuúng na eeharáng.»

Yohana 21:23

/Aymuuwí iri tsiyayaxaát dír tla/ángw hhaeewo, kudá' káh, «Eeharusmoodá' i gwaaiiká.» Ala Yesu aa ooiiká, «I gwaaiiká,» ala ina oó', «Án barnaxes a slaá' kwí iwa slafi ay dír án ni kii/, gár kuúng u huuw a milá?»

Yohana 5:44

Kuungá' adór tar haratlintia' a adoomá, kuungaásingá' ti kiloohúng xirfayeemisá'. Nee xirfuudá' amór Mungú kudá' wák daáhh u leelehhita'aaká.

Rumi 14:4

Kuúng a adór heemá tawa sagadiyusmoó heé hatlá' sakwasleemut? Asma sagadiyusmoodá' bira huú', laqaá bira huuiiká, kaangwí a daanduú sagadiyusmoodá' nee daqaarmoowós. Ala sagadiyusmoodá' i sihhiit, asma Aako aleesleemu gu kón oo sagadiyusmoodá' nguwa sihhtisi.

Rumi 2:1

Gawaá adoorihe kuúng bar múk hatlá' sakwasleemút, kuúng tam heemahe, kuúng gár ta tlank i káhh. Qoomár kuúng bar múk hatlá' sakwasleemút, a kuúng tin kilók sakwasleemút. Asma kuúng muruú ta tlehhit a kuduú kilá' ta sakwasleemut.

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

Rumi 2:29

Ala heé Yahudi oo kilá', an kudá' Yahudi'iimarós baraá muunií dirii'. Nee al/utlór kilá' a tidár muuná kuwa al/utli. Al/utloorí kan tleehh nee Qeeruú hhoohhoó' oo Mungú, slám ka tleehhiiká nee hara'aya. Heé adoorí xirfuuwós amór i dahhi a amór mukooká, ala a amór Mungú.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

1 Korinto 1:7

Gawaá adoorihe aleesleemuú Qeeru oo aa /aaruy dirhunge i kaahh, qoomaarír Aakoorén Yesu Kristo kuwa daamaaraanda', as kuwa geehhooeesi.

1 Korinto 11:16

Ala heé tlaampa'amisuú slaá' daanduú kaangwihe, inós ngi xui adór atén tlehhma'aá adór kwisíng kir koomanaaká, tam múk kríshaanáy oo umuúqo diiro gi konká.

1 Korinto 11:26

Asma qoomár kuungá' mukaatmoowí bur /agiindá' nee gár baraá xooslmoowí bar wahaandá', kuungá' a gwa'arár Aako an alki/itá' ay dír inós ni ki/i.

1 Korinto 15:23

Ala umuúqo heewo nee qoomaarós. Kristo an bu'ungwdá' aa giirin. Nee gár aluudá' gi haar a mukós, qoomár inós binda kií/.

1 Korinto 3:13

gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

1 Korinto 3:14

Do'dá' hee aa tleéhh gawaá iihhafiiridá, bar asla gwa /agiká, heedá' bu'utu gu sláy.

1 Korinto 3:8

Heedaádá' dahaasiím nee kudá' ma'aá eemiís, inooín a gár wák. Nee umuúqo heewo bu'utuuwós gu sláy ar adoodá' ira gadiyuús.

2 korinto 10:18

Asma heé ti kilós xirfayeemiís, inós ku ya/anká nee Aako, ala heé ta ya/an a kudá' Aako aa xirfayeés.

2 korinto 10:9

Kuungá' ma ooara' aníng gár ni slaa' a kuungá' nuwa dae tlaaq ar barwaduueé'.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.

1 Tesalonike 5:2

Asma kuungá' kilá' a xuá' adór deelór Aako nir hardát adoodá' fisusmo nir hardihi xweeraawo.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.

Yakobo 5:9

Hháe, kuungá' miti i qununu/aara' as mutunduwa sakwasleemuút. Qaytsiité', sakwasleemusmo naa hardáh, aa sihhiít dír afkú do'.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

2 Petro 3:12

qoomár deeloodár Mungú kawa daamaraanda' nee kawa harakeemisa'. Ala deeloodá' bál binda hardát, doori asla gi ót nay weeqiyá', nee tam tsatse/ i weeq as asla.

2 Petro 3:4

tawa kaahi, «Inós al'axweesani ngina haniísiíke ar niwa ki/i, ala i amá? Baabi'iirén naa qaroó qatliyé', ala mura' sleémeero u ga/eerá'aáke i adoodaádí kaahh, adoodár aáng iimír yaamu kiwa tleéhh.»

Yuda 1:14

Nee Enoki a heé faanqw alaá Adamuwo. Inós aari gana oó' daanduú mukwihe iwa kaahi, «Qaytsité', Aako naa hardáh nee malaykeerós ar hhohho' ar kumér kúm.

Geehhoeemaá 1:7

Qaytsiít, inós ni hardah ar baraá huunkáy. Umuúqo heewo guri ar ar ila', tam mukdá' inós gwa mutin sleeme guri ar. Nee muu sleémeero oo baraaká' yaamu iri /aa/amín ar gurhaami as inós. Eeít, adoorí an adoodá' tleehharuut. Amin.

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.