1 Korinto 4:4 - Biblía Axweesantá Hhohho' ar Mungú 2004

⁴ Asma baraá muunaáeene gár aníng i sakwasleemuut i káhh. Ala aníng ti gan'amií harafaariiká as adoodá' muunaáeé' iwa sakwasleemuutiiká. Ala heé aníng i sakwasleemuút an Aako.

Ya/abtór hho' 1977

⁴ Asma baraá muunuúeene gár aníng i sakwasleemuut i káhh. Ala aníng ti gan'amkuú i harafaariiká as adoodá' muunuúeé' iwa sakwasleemuutiiká. Ala heé aníng i sakwasleemuút an Aako.

1 Korinto 4:4 Iomraidhean Croise

YOBU 15:14

Hee a gár milá tam kuwa gan'ámkwí harafaari, laqaá heé /ameeni aa laqwál iqo baloó gan'amuú kóna?

YOBU 25:4

Adór hee kur gana'amúwí harafaari nee Mungú? Heé /ameeni aa xwayluúr adór kur xaslxaansli wásl?

YOBU 27:6

Aníng ti daba' hhohhó' nee sleeme a warqaqawaaká. aníng ti xuruumitaaká.»

YOBU 40:4

«Aníng a daktantá tawo, gár u baw a milá? Aníng afkwe'eé' ugwa tseék, a sangw gaa ooaaká.

YOBU 9:20

Aníng tam dakuús a koomakahe /aymi'iieé' awa kilá' inqo sakwasleemuutiyá'. Aníng tam tlakweemaá koomaakahe inós bira xuuxuú', aníng aqo tlakusmo.

WARA'AMI 130:3

Xáy, AAKOÓ MUNGÚ, geera kuúng barnaxes tlakweemaarén in fadita, heé sihhtanór dír geeraawók ga qiítl a heemá, Aáko?

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

WARA'AMI 19:12

Ala heé dakuúsarós tsaahharo ga asláw a heemá? AAKOÓ MUNGÚ, tlakweemaá tsaahharo ni aslawaakahe gurtlawáng.

WARA'AMI 26:12

Aníng aga sihhiít dír amohhoo', AAKOÓ MUNGÚ u diidi'iimiís baraá dinku'uumár yaariire.

WARA'AMI 50:6

Doori gan'amuuwós ngu alki/iitiyá'. Asma Mungú inós an sakwasleemusmo.

AXWEESANOÓ SAGALOOA 21:2

Umuú heewo ngi xui inós in ganaa'. Ala AAKOÓ MUNGÚ muner'ín gan tsee/aarín.

AXWEESANOÓ SAGALOOA 29:26

Múk yaariír tin sla'atamamis dír geeraharuuse Ala hee kun gan'amií harafaar nee AAKOÓ MUNGÚ.

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 23:1

Paulo múk kwasleema guri ilií duxún iri oó', «Hhaee'eé', aníng muunuú hhoohhoó' una ar hoót geeraá Munguhe ay laarí.»

Rumi 2:13

Asma múk ta gan'amuú i harafaari nee Mungú, a ooanaaká an kudá' hara'aya gaa axaas, ala múk ta gan'amuú i harafaari, an kudá' adoodá' hara'aya i kat ga tlehhiít.

Rumi 4:2

Asma bar Abrahamu kuna gan'amuú i harafaár as tlehhmi'iiwós, inós i harín tiwa xirfayeemisi. Ala dír geeraá Munguhe gár tis xirfayeemisi i káhh.

1 Korinto 4:3

Ala aninge a gaarooká aníng tam kuungá' i sakwasleemuta'a, laqaá tam múk hatlá' oo muu gu sakwasleemuút. Tam aníng sleeme ti kilooeé' sakwasleemuutaaká.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

2 korinto 5:10

Asma atén sleémeero gár tiwa hariím an sihhiitaán dír geeraá Kristó i alé, as tiwa sakwasleemuuti nee inós, as masók umuúqo heewo kuwa bui ar tlehhemi'iiwós kudá' aa tlehhiít baraá slafiingós oo baraakaá yaamuwo, barnaxes ki hho' laqaá ki tlakw.