1 Korinto 4:19 - Biblía Axweesantá Hhohho' ar Mungú 2004

¹⁹ Ala aníng ni amorhúngií hardáh ar gaanslaay, bar Aako ngaa slaá'. Aníng binda hardáh, gár ni tsaahh, a axweesanoó mukdá' aa daar/uut kiloseeká, ala tam /uuruuín sleeme.

Ya/abtór hho' 1977

¹⁹ Ala aníng ni amorhúng i hardáh ar gaanslaay, bar Aako ngaa slaá'. Aníng binda hardáh, gár ni tsaahh, a axweesanoó mukdá' aa daar/uut kiloseeká, ala tam /uuruuín sleeme.

1 Korinto 4:19 Iomraidhean Croise

Tlehhema'aá ya/Abuuse 18:21

Paulo deelo gari dir'íní oó', giri báy, «Mungú bar ngaa slaá', aníng niqo malé kií/.» Iri Efesór wa tláy ar tla/ángw tlawi.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 20:2

Iri waaraáhh ar yaamuudá', nee umuúqo diiro eeharuuse gari alee/iís /uuru nguwa sleer baraá haratlintaaooro ar axweesanoó yaariír. Iri hardáh ay yaamaá Yunani.

Rumi 15:32

Adoorí bira hhooeér, bar Mungú ngaa slaá' aníng niqo hardáh amorhúng ar qwala/, niri hungu/uús ayaahúng.

1 Korinto 11:34

Ala hee barnaxes i qwariit, i /ayin dír do'ós wa alé, as burumburimituuhúng mindiwa sakwasleemár ar kií/. Nee muruudá' aa meet aníng binda amorhúngí hardáh ngu hara'ayiím.

1 Korinto 14:5

Aníng gár ni slaa' masók kuungá' sleémeero an axwesá' ar tsifrír xuawaslen, ala a ak slaá' kuungá' tawa aaririinda'. Asma heé aaririím ku ak úr ta kudá' axweesa ar tsifrír xuawasl, aqo har heedaádá' tsifrír xuawasl ga ar axweés barnaxes tsifriidá' ngaa ilaharmiís, as kahhó' kríshaanáy kuwa kwa/amisi.

1 Korinto 16:5

Aníng bara waaraáhh ar baraá yaamaá Makedonia, aníng niqo amorhúngií hardáh. Asma aníng a slaá' niwa waaraahh ar tla/ángw yaamaá Makedonia.

1 Korinto 16:7

Asma aníng a sla'aaká nee kuungá' tiwa araan hamihe, qoomaarí niwa tawó waaraahh. Asma aníng harahhifo a koóm ar nee kuungá' tawa alhootaan deelór niinawe, Aako birnga slaá'.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

1 Korinto 4:18

Bahh'alé baraá tla/angwhunge ta kaahi aníng ni amorhúngií daqawká, niri daara/uumitiyé'.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

2 korinto 10:9

Kuungá' ma ooara' aníng gár ni slaa' a kuungá' nuwa dae tlaaq ar barwaduueé'.

Ebrania 6:3

Ala ta tihe, atén gár tiwa hariím an geerií kumitaán. Adoorí an tleehhaán, bar Mungú ngaa slaá'.

Yakobo 4:15

A tsiní geera bar kata', «Aako biringa slaá', a slafaán nee adoorí ngay tleehhaán, laqaá tí.»