1 Korinto 4:12 - Biblía Axweesantá Hhohho' ar Mungú 2004

¹² Nee slám a daawimiitaán ar gadiyeé kawa tlehhiitaan ar dabaarén awa kilá'. Muu barnaxes atén ti /ooslislín, atén inooín in tsuuqumaán. Atén barnaxes ti slahh'eemiis, a qiqtliimaán.

Ya/abtór hho' 1977

¹² Nee slám a daawimiitaán ar gadiyeét kawa tlehhiitaan ar dabaarén awa kilá'. Muu barnaxes atén ti /ooslislín, atén inooín in tsuuqumaán. Atén barnaxes ti gusiisín, a qiqtliimaán.

1 Korinto 4:12 Iomraidhean Croise

Matayo 5:11

«Kuungaásingá' an múk amohhoó', burtundu niqimiis, nee burtundu gusiisín, nee burtundu tli/imis ar /ayseeno asma aníng.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.

Luka 6:28

kudá' kuungá' lu'umisá' hhooeemií tlehhiitaak, kudá' kuungá' nu slahh'eemisá' aleefiriiriimaak.

Yohana 15:20

/Aymuudá' naa kuungá' báw inslawaak, kudá' nuwa báw, ‹Lawaalmo ku ureeká ta aakoowose.› Bar án tina slahh'eemiís, kuungá' sleeme tundu slahh'eemiis. Bar axweesante'eé' kana óh, toohúng sleeme ka oh.

Tlehhema'aá ya/Abuuse 18:3

Iri didá' wa hoót, asma inooín sleeme gadiyér'ín a ád taqár Paulo, ar heéma hirit.

Tlehhema'aá ya/Abuuse 20:34

Kuungá' kilá' a xuá' adór dabaaeé' kuká' nira gadiyuusiyé' as muruudá' án ni slaa' nguwa slaw, dinkwa nee mukdá' nee aníng al hootá'.

Tlehhema'aá ya/Abuuse 7:60

Iri tumbarara'aát iri tseé' ar afór ur, iri oó', «Aáko, tlakweemaaká' mi daanduuín i faaraar.» Adoorí ooaro ngiwa hhe'eés, iri gwaá'.

Rumi 12:14

Mukdá' kuungá' nu slahh'eemiís, tsuuqumaak. Kuungá' tsuuqumé', ala ma lu'umisaara'.

Rumi 12:20

Ala Gooi i malé kat, «Wakusmoowók bir qwariit, /aymiiseek. Nee bir waxiit, wahaaseek. Asma adoorí bar aga tléhh, kuúng daqaní gil'o aga gawaá sagós i dalá/.»

Rumi 8:35

Heé atén ti paraátl dír sla'aarír Kristowo a heemá? Gár paraatlaro ti aleeslaw a slahh'amaayeéro? Laqaá a daeéro? Laqaá a gusisiíngo? Nee a qwárko, laqaá a /aankwetsuuwo? Nee a tsaxwaáwo, laqaá tsu/utár paánga?

1 Korinto 9:6

Laqaá án nee Barnaba kiloorén an hariimanaakáhe gadiyeé kawa mawaan?

2 korinto 11:8

Qoomár aníng gadiyeé ngiwa tleéhh tla/angwhúng wa ale, aníng tina qáy nee kríshaanoó dimbadimbé oo yaamaá hatlá', as kuungá' nuwa sagadiyuus.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

1 Tesalonike 2:9

Hháe, án ngi slaá' kuungá' a insleerá' adór atén gadiyeé kara tleehhaán ar ilakaahara. Asma qoomár atén Ya/abtór hho' kawa alki/iitaán dirhúng i ale, atén an gadiyuumaamisaán tlaatla/aangw nee xweeraawo, as umuúqo heewo dirhunge muwa diitsakwaár ar awaán.

2 Tesalonike 3:8

Asma atén umuúqo doó heé tawa /ayiimaani, heedaádá' bu'uto ugwa mawaaniiká. Ala atén ana ló'wa gadiyuusaán nee ana daawimitaán tlaatla/aangw nee xweeraawo as umuúqo heewo dirhunge muwa diitsakwaár ar awaán.

1 Timoteo 4:10

Gaarí an gár atén tas daawimiitaan nee tas ló'wa gadiyuusaan, asma haraxu'utirén aga qaasaán gawaá Munguúdá' slaáf. Inós a Ba/amusmoó muu sleémeero, ak alé oo mukdá' gwa haratlintii'.

1 Petro 2:23

Inós qoomár kuwa /ooslislín, /ooslima gaa tiqár buiiká. Qoomár kuwa slahh'eemiís, mukdá' gwa slahh'eemiis gwa dae tsatiiká, ala tiri qaás gawaá dabaá Mungú, kudá' sakwasleemár ganaa' ga tleéhh.

1 Petro 3:14

Ala kuungá' bartundun slahh'eemiis as gan'amu kuwa tlehhiité', kuungá' daqaní a múk amohhoó'. Kuungá' mutunduwa tawó dae tlaáq, laqaá ma tawó amoqwaqwadiimara'.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.

1 Petro 4:19

Gawaá adoorihe mukdaádá' ta slahh'eemisi ar adoodá' Mungú i slai, muner'ín ngi dabaá Mungú i qaasiye', asma inós a tleehharusmooín oo inkihhimuú koóm, nee inooín tawa qiqtlin baraá tlehhema'aá hhó' wa ale.

Yuda 1:9

Ala tam Mikaeli, malaykamoodá' úr, qoomár tiwa tlaampa'aasiyé' nee Neetlaangw daanduú slaqwtá Mosewo, aa qiitliiká sleeme nguwa /ooslin, aqo ina oó', «Aako kuúng u iigahhaati.»