1 Korinto 4:1 - Biblía Axweesantá Hhohho' ar Mungú 2004

¹ Gawaá adoorihe hee atén ti tsaahhi adór atén tar sagadiyuusér Kristo nee saayuusér kangwdá' taa luú/ oo Mungú.

Ya/abtór hho' 1977

¹ Gawaá adoorihe hee atén ti harafaari gídaabá atén a sagadiyuusér Kristo nee saayuusér iidíguudá' taa luú/ oo Mungú.

1 Korinto 4:1 Iomraidhean Croise

Matayo 13:11

Yesu giri i ilawaáts, giri báy, «Kuungá' naaqór waawuti'iimár doori aga xue'. Ala inooín ka xuiiká.

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Marko 4:11

Yesu giri báy, «Kuungá' naaqór waawuti'iimár Mungú aga xué', ala dír mukduú hatlá' oo tsee/aawo kan kah ar slaqsi'i,

Luka 1:2

adór kungura atén i alki/iít nee mukduú aáng gwa ar ar ilaaín iimír geeraá wa ale, nee oo axweesantadá' gaa alki/iit.

Luka 12:42

Aako iri oó', «Sagadiyusmoó inkihhimuú koóm nee oo sagalooár koóm a gaalá, oo aakoowós i qaasi gawaá daanduú sagadiyuuseerós sleémeero, as muruú /aymar'ín nguwa hanmiisi qoomár hariima.

Luka 8:10

Giri báy, «Kuungá' xu'uti aga sleeré' daanduú naaqór baraá waawuti'iimár Munguhe. Ala múk hatlae an slaqsi'ír kaahaán, as kahhó' ta qaytsiiti makawa ár, nee ta axaasi ala makawa tsaáhh.»

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

1 Korinto 4:13

Laqaá barnaxes atén ti niqimis, atén axweesanoó hhó' un ki/imisán. Atén ana xwaansláy tleehhitaán baraá yaamuwo, nee tari adór slooroodá' ta hingeemisi, dír ilaá muu sleémeerowo. Adoorí an adór atén tay diriiaan tam hamí.

1 Korinto 4:2

Ala dír mukduú saayuuseero gár ta slai masók kin inkihhím.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 12:6

Ala aníng tam ti kilooeé' xirfayeemisa, aníng a adór daktantooká, asma gár aníng ni oo' a ar ló'. Ala aníng ti máw kilooeé' xirfayeemisuuwo, as hee miwa oó' ti ak úr ta adoodá' ir ara'ari, nee i axamiisi dir'eene.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Efeso 6:19

Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

1 Timoteo 3:6

Slám inós masók a heé aa ba/aniiká deeloorí /abene, as miwa daar/uút, iri huu', kuri sakwasleemuut adór Neetlángw wa ale.

1 Timoteo 3:9

Inooín masók intsaahhasadár ló' ar haratlintaaoorén, tidá' taa geehhooeés ngaa oohiyé' ar munér hho'.

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.