1 Korinto 3:9 - Biblía Axweesantá Hhohho' ar Mungú 2004

⁹ Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

Ya/abtór hho' 1977

⁹ Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

1 Korinto 3:9 Iomraidhean Croise

WARA'AMI 118:22

Tlaa/ár qwatsiiruuse aa sí', aa tlaa/ár ur tleehhít ar do' ir gawduy.

WARA'AMI 72:16

Balángw yaariír i hamaari baraá yaamuwo, ay gawaá tlom'i, bu'uungw /ar'i ngi lalay, mamuuwós ta adór kuqaá yaamaá Lebanoni, nee múk baraá gixsa i tlahhi adoodár gitso ir slu/ubibiin baraá yaamuwo.

AXWEESANOÓ SAGALOOA 9:1

Sagalooa do'ós gwa tléhh, uheemaá do' ngaa tléhh a faanqw.

ISAYA 32:20

Kuungá' a múk amohhoó' asma an dahasiindá' dír ma'aay i dirii'iya', hikwaahúng nee daqwayerhunge in hi'iimitiyá' ar adór ni slaiya'.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

ISAYA 61:3

Kudá' tsuunqumiisá' baraá Siyoniro. Slamángw /ayo nguwa slaya' kitángw da/araro. Di/tá qwala/ ngiwa haniis kitángw tawa tsuunqumiisi. Tlabaá xirif ngiwa haniis kitángw muneesi'imaawo. Daqaní inooín kin bay «Ti'itaawér hota ganaa'. Dahaasíngw AAKOÓ MUNGÚ, as kahhó' inós kuwa xirfayeesi.»

ISAYA 61:5

Dahaaye ni hardát nee bee/aangók guri de'eén. Inooín tari múk aweerók ar doósl nee múk sabiíbuú amohhe'eemisá'.

YEREMIA 2:21

Aníng kuúng una dahaás adór dahaasíngw sabiíbu oo taa tsawaár, dahaasíngw hhohhó' oo sabiíbu. Ahaá daxta baré aga hhiturút, aga warqeér aga sabiíbuú sla/a tleehhít?

Matayo 15:13

Giri báy, «Umuúqo dahaasíngw Baabuúeé' oo gawaá doori aa dahaasiiká, ku tuu/.

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

Matayo 9:37

Yesu eeharuuseerós gari báy, «Bu'uungw ku yaariír, ala múk gadiyeé ku niiná.

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhooatís ar layaá naa tleehharumiitiye' qoomaadae.]

Tlehhema'aá ya/Abuuse 4:11

Inós an tlaa/adá' taa sií' nee kuungaásingaá qwatsiiruuse, ala laatí an tlaa/adá' ur ar do' ir gawduy.

1 Korinto 3:16

Kuungá' a xua'akáhe adór kuungá' tar Doó Mungú, nee adór Qeeruú Mungú ir baraahúng hoót.

1 Korinto 3:6

Aníng ana dahaasiím. Apolo ma'aay gina eemiís. Ala heé aa ureemiis a Mungú.

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Efeso 2:10

Asma atén a gadiyér Mungú. Inós atén tina tleéhh ar baraá Kristo Yesu, as atén tlehhma'aá hho' kiwa tleehhaan, kudá' Mungú aa qaroó amohhe'eés as atén kiwa eeharaan.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

1 Timoteo 3:15

Ala tam adoorihe aníng binda tliík hardahamuwo, kuúng masók adór umuúqo heewo kuwa hariím hotaango baraá dinkwár múk Munguhe a xú'. Dinkwaarí an múk kríshaanáy, inooín an uhmo nee iihhafiirír looeema.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

3 Yohana 1:8

Gár atén tiwa hariím a múk adór kwí un ilaohiimaán, as gadiyér'ín tidár looeema kawa haratlaa/aan.