1 Korinto 3:8 - Biblía Axweesantá Hhohho' ar Mungú 2004

⁸ Heedaádá' dahaasiím nee kudá' ma'aá eemiís, inooín a gár wák. Nee umuúqo heewo bu'utuuwós gu sláy ar adoodá' ira gadiyuús.

Ya/abtór hho' 1977

⁸ Heedaádá' dahaasiím nee kudá' ma'aá eemiís, inooín a gár wák. Ala umuúqo heewo slaqweerós ga sláy ar adoodá' heedaádá' ira gadiyuús.

1 Korinto 3:8 Iomraidhean Croise

WARA'AMI 62:12

Nee sla'aaridá' warqawaaká i dirók, AAKOÓ MUNGÚ. Asma kuúng umuú heewo un bú' ar adoodá' tlehhmi'iiwós i dirii'iya'.

AXWEESANOÓ SAGALOOA 27:18

Heé /aantsírós gaa amohhe'ees mamuuwós gi /aay. Nee heé geeraharusmoowós gu sagadiyuús ku ilaiwawaa/.

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Luka 19:19

Tam inós sleeme kuna báy, ‹Aníng kuúng u waawutmoó gixsadaá kooán wa qaás.›

Rumi 2:6

Asma baalaadae Mungú umuúqo heewo gu buu' ar hariímár tlehhmi'iiwós.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

1 Korinto 3:14

Do'dá' hee aa tleéhh gawaá iihhafiiridá, bar asla gwa /agiká, heedá' bu'utu gu sláy.

1 Korinto 3:7

Ala heedaádá' dahaasiím inós a gaarooká, laqaá tam kudá' ma'aá eemiís sleeme. Ala heé afhhamít a Mungú, kudá' ureemiís.

1 Korinto 3:9

Asma atén a sagadiyuuse, tidá' gadiyuus dinkwa nee Mungú. Kuungá' a qaymór Mungú, nee a doó Mungú.

1 Korinto 4:15

Asma intsaahhatuuserhúng baraá Kristowo tam ka yaariire, tam kumér mibaango, ala baabi'iihúng ki yaariireeká. Asma baraá Kristowo aníng ana baabuúhúng tleehhiít qoomár Ya/abtór hho' ngiwa amorhúngií huúw.

1 Korinto 9:7

Ahaá, askaarmo i deéro oo slaqwarár áw, tiri kilós buu'? Laqaá hee i deéro oo qaymór sabiíbu gaa dahaas, mamuudá' giri /ayiiká? Nee slám hee i deéro oo muruú de'eém, ala ilwaá muruudá' giri /ayiiká?

Galatia 6:4

Ala umuúqo heewo gadiyeérós ngi kilós alqaytsiti adór kar hhoohhoó', nee ngi kilós xui baraá muunaáwósí alé, ala mitiwa heé hatlár qoomeemeés.

Galatia 6:5

Asma umuúqo heewo gár kuwa hariím aqo huwaarós gan kilós gagaar.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.

2 Yohana 1:8

Kuungá' ti harmagahhe', gadiyérhúng tidá' taa tlehhé' bu'utuuwós miwa qwaár, as kahhó' kuungá' bu'utuudá' hariím kuwa adá wa sleera'.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.