1 Korinto 3:5 - Biblía Axweesantá Hhohho' ar Mungú 2004

⁵ Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

Ya/abtór hho' 1977

⁵ Ala Apolo, inós a heemá? Nee Paulo, inós a heemá? Atén a sagadiyuusér Mungú, nee kuungá' ana diirén wa haratlintié'. Asma umuúqo heewo diirene gadiyeérós gana tleéhh ar adoodá' Aako naa atén i haniís.

1 Korinto 3:5 Iomraidhean Croise

Matayo 25:15

Gari qasmiís ar harqoomoó umuúqo heewo i aleesláy. Oo wák guri talaántár kooán i haniís, oo tsár guri talaántár tsár i haniís, nee oo tám guri talaántár wák i haniís, iri aa'aá káy.

Luka 1:2

adór kungura atén i alki/iít nee mukduú aáng gwa ar ar ilaaín iimír geeraá wa ale, nee oo axweesantadá' gaa alki/iit.

Yohana 3:27

Yohane iri oó', «Hee gár i slay i káhh birkinga haniisiiká amór Mungú wa ale.

Tlehhema'aá ya/Abuuse 18:24

Heeko wák oo Yahudi, umuuwós ku bay Apolo, nina hardáh ay Efeso. Inós a heé ta Aleksandriár wa laqwaál. Slám a heé sagalooár koóm baraá axweesanto, nee Gooír axweesantá Mungú ga ló'wa xuu'.

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 16:12

Ala daanduú hhiyaarén Apolowo, aníng inós una ló'wa harhheehhe'eés, as niwa amorhúng kay dinkwa nee hhaeedaá hatlá'. Ala inós gaa slaiiká niwa daqay hamihe. Ala pa/aangw burngwa sláy, ni amorhúngií hardah.

1 Korinto 3:10

Aleesleemuudá' Mungú naa amor'eénií haniís, aníng una ar gadiyuús, iihhafiirír hhoo' ngiri qaás, ar adoodá' tleehharusmoó do' ir tleehhimamiti. Nee heé hatlá' i gawaá iihhafiiridá' in tleehhiit. Ala umuúqo heewo adór ir gawaá iihhafiiridií tleehhiti ngi alqaytsiti.

1 Korinto 3:22

Paulo a koohúng, nee Apolo nee Kefa sleeme. Yaamu a koohúng, nee slafiingw, nee gwa'ara sleeme. Nee qoomaarí hám dáw a toohúng, nee tidá' hardaha sleeme.

1 Korinto 3:7

Ala heedaádá' dahaasiím inós a gaarooká, laqaá tam kudá' ma'aá eemiís sleeme. Ala heé afhhamít a Mungú, kudá' ureemiís.

1 Korinto 9:17

Asma gadiyeérí bara tleéhh ar sla'aarir'eé' kilós, aníng bu'utu u sláw. Ala barnaxes a gadiyér aníng wá hariim, daqaní a gadiyér tinda aníng i saayín.

2 korinto 11:23

Inooín a sagadiyuusér Kristówo? Aníng daxta an adór slarhhamá wa axweés, aníng a sagadiyusmoó Kristo oo ak hhoó' ta inooine. Aníng gadiyeé ana ak tleéhh ta inooine. Aníng tina tsegiít daqtá yaariire ta inooine. Nee slám aníng tina ak muúx ta inooine. Aníng afkú bohoongw ngun wa kikií/ daqtá yaariire ta inooine.

2 korinto 3:3

Asma a gár geehhoo' adór kuungá' tar barwaárén ar amór Kristó daahh. Barwaárí kana gooín ar gadiyeérén. Kaa gooínká ar wiíno, ala kana gooín ar Qeeruú Mungú kudá' slaáf. Kaa gooinká gawaá parhheemaá tlaa/e, ala kana gooín gawaá /aare'eeraá fu'unaay, an baraá munér muu.

2 korinto 3:6

Asma inós an kudá' atén taa aleesleemuú i haniis tawa sagadiyuusér alqadór /aben tleehhitaan. Ala alqadoorí a tidár hara'ayár gooirooká, ala a tidár Qeeru. Asma hara'ayár gooi i tsu/út, ala Qeeru i slafimis.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

2 korinto 4:7

Ala ateéká' daqaari'iimarí koomá', atén a adór xooslaadár tleei. Mungú adoorí gana tleéhh, as kaangwí iwa geehhouy adór /uuruuwí úr amór i dahhi tar amooreneeká, ala a amór Mungú.

2 korinto 5:18

Ala muruuwí sleémeero amór i dahhi a amór Mungú. Inós atén tina dirósií haraki/ís ar loohír Kristo, nee gadiyér haraki/imis ngiri dirén i haniís.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

Efeso 3:7

Mungú aníng ina tsuúq, tiri sagadiyusmoó Ya/abtór hhó' wa qaás, qoomár inós gadiyeé ngiwa tleéhh baraá slafingw'eé' wa ale ar aleesleemuuwós.

Kolosai 1:23

Ala kuungá' gár tunduwa hariím masók an kumitá' baraá haratlintaaooro, tawa sihhita' ar gawdeema gawaá iihhafiirír gawít i alé, nee tawa qutla'aaká baraá haraxu'utír taa sleeré' qoomár Ya/abtór hho' kawa axasé'. Ya/abtoorí hho' kaa alki/iít baraá yaamu sleémeero, nee anuú Paulo tina sagadiyusmoowós wa qaás.

Kolosai 1:25

Mungú aníng ina sagadiyusmoó múk kríshaanáy wa qaás. Gadiyér afhhamít ngina aníng i saayín as kuungá'. Gadiyeérí an Ya/abtór Mungú ngiwa gwa/atisa hhe'ees dirhúngií ale.

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.