1 Korinto 3:19 - Biblía Axweesantá Hhohho' ar Mungú 2004

¹⁹ Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

Ya/abtór hho' 1977

¹⁹ Asma sagalooár muu a daktu'uuma dír Munguhe. Asma Gooi i kat gídaabá, “Mungú múk sageeloén gu ohahín baraá al/aymar'ine.”

1 Korinto 3:19 Iomraidhean Croise

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 16:23

Qoomaadae umuúqo /aymuú Ahitofeli aa ooi, a adór axweesantá taa oó' nee Mungú. Nee umuúqo axweesantá Ahitofeli aa ooi, Daudi nee Absalomu aqo kan iwaa/.

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

ESTA 7:10

Naagáy Hamani kway gawaá xa'anoodií tarereé', kudá' geeraawo aa amohhe'eés as Mordekai. Buhhtaá waawutmo nay tsauyé'.

YOBU 5:13

Fuquruuse gan uhín ar fuqurangw'ín oo kilá'. Qeeruú ta tlehhiiti inós gun xasltis ar wa'aá wák.

WARA'AMI 141:10

Tlakuuse i pahh baraá tsaaxweelay'ín kuduú kilá', qoomár án bar aga waaraáhh ar saxareema.

TI'INAANGW 1:10

Gimsé' i fuqurángw i tleehhaán mindiwa dooginé', slám bar slaqwara naa ti'ít inooín tan bartá wakuuseerén áy, atén tiri i slaaqw niri /akumiitiyá' baraá yaamuurene.»

TI'INAANGW 18:11

Daxta aga tsaáhh adór AAKOÓ MUNGÚ kur úr dír munguaá hatlá' sleémeerowo, asma kuungá' nuna wangeexwaár baraá dabaá múk Misrír wa ale, kudá' naa baramaanumamiis.»

AXWEESANOÓ SAGALOOA 14:8

Sagalooár heé daharuú koóm a hotaawós gin aldakuut, Ala heé daktani daktu'uumarós gun al/agiín.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 44:25

Aníng layudaá lama in hhitiím, kudá' tlaa/aá xuá' in daktana tleéhh, axweesantá múk sageeloén an sií', tam xu'utir'ín an daktu'uuma tleéhh.

1 Korinto 2:6

Ala sagalooa i deer ar atén ta axweesaan dír múk aa kwa/i baraá slafíngw qeeruuwo. Ala sagalooarí atén ta axweesaan ti slasleeraaká nee sagalooár yaamuuká'. Slám ti slasleeraaká nee sagalooár mukdá' aleesleemuú koóm baraaká' yaamuwo. Asma inooín kaa qaroó sakwasleemuút kiwa qwaareesi.

1 Korinto 4:6

Hháe, diirihe aníng nee Apolo a slaqsaay dirhunge. Adoorí ana tleéhh as kuungá' kaangwí kuwa dirén wa intsahha', «Adoodá' Gooi i kat ma mawaara'.» Hee dirhunge miwa daar/án as daanduú intsaahhatusmooko oo hatlá' guri waaqaaqaa'.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

Yakobo 3:15

sagalooarí a tidá' naa gawaá doorí wa awetká, ala a tidár baraá yaamu, ar qeeruuwooká ala ar Neetlaangw.