1 Korinto 3:13 - Biblía Axweesantá Hhohho' ar Mungú 2004

¹³ gadiyér umuúqo heewo i geehhoouúr. Asma Baalaadár Kristo gadiyér umuúqo heewo gan geehhooés ar baraá asla. Nee asltadá' gadiyér umuúqo heewo gari iiát áx a gadiyér adoomá.

Ya/abtór hho' 1977

¹³ Asma Baalaadár Kristo ga geehhooés. Asma Baalaadá' ka geehhooees ar baraá asla. Nee alstadá' gadiyér umuúqo heewo gari iiát gídaabá a adoomá.

1 Korinto 3:13 Iomraidhean Croise

ISAYA 28:17

Aníng sakwasleemár ganaa' anar gadiyuús tawa xooslmooeé' oo qoomeemes, nee hotaá ganaa'á' tawa hhutlmoó qoomeemes, lamemoohúng kudá' ta i gogoba' kin xoontsoroo' nee tluwoó tlaa/e, nee al/aymarhúng tidá' tay nahhmita' kan ar tlay nee alwuór ma'aay.

ISAYA 8:20

Ala kuungá' inooín ki beera', «Gár Mungú kuungá' nuwa intsaahhatamiisi na iiárií qaasaak, gi'i mi iiárií qamimara', asma gár hhoo' ngi aain'aaká.»

YEREMIA 23:28

Aarusmo kudá' tlataawós káh, tlataawós ngi oin, ala kudá' axweesante'eé' ga koóm ngi dahareemisi ar inkihhimu. Muundáy nee aangano iqo tsuwa alqoná'a? Aanuú AAKOÓ MUNGÚ tí ngina oó'.›

YEREMIA 23:29

Anuú AAKOÓ MUNGÚ a kah, ‹Axweesante'eé' a adór asla, a adór yuúnduú tlaa/e tsu/uta.›

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

MALAKI 3:17

Gár taa gooín a tí, «AAKOÓ MUNGÚ Aleesleemusmo i kaahi, ‹Baraá deeloodá' aníng gadiyér'eé' ngiwa tleehh, inooín a kwe'eé', inooín tay boohhar'ér kilá'. Inooín in amohhe'eemiís adór hee garmaawós, kudá' gu sagadiyuús, ngur amohhe'eemisi.

MALAKI 3:2

Ala heé deelór hardahamaawós ga saqiítl a heemá? Laqaá heé sihhiít inós birna geehhooúy a heemá? Asma inós a slaqsoó asltá heé muqslár kwahhuút, a slaqsoó saabuúnír heé tlabaá hhuuntsiít.

Matayo 10:15

Án a kah, deelór alhhe'eesoó yaamuwo a tsiní gixsár Sodoma nee Gomora sakwasleemar'ín ngiwa ilií oohiya', ta gixsadae.»

Matayo 16:27

Asma Garmoó Hee i hardah ar baraá xirfuú Baabuúwós dinkwa nee malaykeerós. Qoomaadá' an qoomár umuú heewo nguwa bui ar qoomoó tlehhemi'iiwós.

Luka 2:35

asma inslawoó baraá munér múk yaariír iwa geehhoouy. Nee kiíng sleeme gurhaamír tlaaqaam adór tsataay muunaáwók gu slahhaés.»

Rumi 2:16

Adoorí an adoodá' tleehharuut bál Mungú bar lu/aaroó baraá munér muu gu sakwasleemuut ar baraá Yesu Kristo. Gaarí an adoodá' Ya/abtór hho' i kat, tidá' aníng ni alki/iit.

Rumi 2:5

Ala kuúng muunaáwók kwisíng gawide nee oo hhu'uu'úngw sla'aakahe xarasleemaá Mungú in gawaawók i tlahhmís ay bál sakwasleemár Mungú, baldá' sakwasleemár Mungú ar ganaa' bar kinga geehhooeés.

1 Korinto 1:8

Inós sleeme kuungá' nu /uurií haniis ay alhhe'eesaay, as kahhó' kuungá' tawa múk dakuús wásl baraá umuúqo gaaro bál deelór Aakoorén Yesu Kristowo.

1 Korinto 3:12

Ala hee bira tleehhiít gawaá iihhafiirirí aleeró, gár ira tleehhiít barnaxes a sahaábu, laqaá muqslár peésa, laqaá barnaxes a tlaa/aá tlaxo gawden, laqaá barnaxes a xaai, laqaá tsaaráy, laqaá barnaxes a slarhhí,

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

2 Timoteo 1:12

Gaarí an gár án nis adoorír slahhahhaa'. Ala aníng a murumiitaaká as slahha'amkwí, asma heedaádá' aníng naa haratlintií' u xuú'. Nee slám aníng a xuú' adór gadaádá' inós naa aníng i haniís, de'eengo ngir aleesláy ay bál alhhe'eesaay.

2 Timoteo 1:18

Kuúng a ló'wa xú' adór inós aníng ira sagadiyuumaamiís baraá yaamaá Efesooro. Bál alhhe'eesaywo Aako inós ngu gurtleemií haniisi, gurtleemuudá' amór Aakoó daahh.

2 Timoteo 3:9

Ala inooín geerií kumita ka aleeslayká ak alé. Asma daktu'uumar'ín i geehhoouúr dír muu sleémeerowo, adór daktu'uumadár Yane nee Yambre ira geehhoouúr.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Ebrania 10:25

Slám atén dinku'uumarén mawa mamaawaán, adoodá' muu bahh'alé i tlehhahhiti, ala masók tin kilootén harakeemisaán, ak alé as deeloodá' kawa tsahha' adór nira naká/.

1 Petro 1:7

Iiara'aduuwí gídaabárós i deer. A haratlintaaorhúng kan iiara'ar, xáda xáy haratlintaaorhúng tisíng ar lóe? Sahaábu a gár qwaar, tam ku iiari ar baraá asltadár sahaábu kur hhoohhooeemiis. Ala haratlintaaorhúng ka ló'wa afhhamít ta sahaábuwo. Asma haratlintaaorhúng bar kaa iiár, i hariín kawa diidi'iimiisi nee kawa xirfayeemisi nee kan ilaiwawaa/ qoomár Yesu Kristo burkwa geehhooés.

1 Petro 4:12

Sla'aaruuser'eé', kuungá' ma waa/oo/amiimara' as slahh'amuú yaariír kwisíng ta slasleera', oo adór iiara'aduú asla, tawa adór gár xuaawasl.

2 Petro 3:10

Ala deelór Aako i hardát adór fisusmoó ar alé. Baldá' doori ni ilaá wa qwaariyá' ar kududuhoó úr, nee tsatse/ asla gu ót nee iri weeq. Yaamu nee muruú baraawós i dirií' sleémeero niri qwaariyá'.

2 Petro 3:7

Doori nee yaamu kuká' hamí dawá' kina amohhe'eés nee kin xún ar axweesantá Mungú sleeme, nee in kumiitiyá' ar adoorós tidá' i dirii'iya' ay bál deeloodár sakwasleema. Baldá' bira xeér, kiri daa/ ar asla, nee múk tlakuuse kuri sakwasleemuut nee kuri qwaarees.

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.