1 Korinto 3:10 - Biblía Axweesantá Hhohho' ar Mungú 2004

¹⁰ Aleesleemuudá' Mungú naa amor'eénií haniís, aníng una ar gadiyuús, iihhafiirír hhoo' ngiri qaás, ar adoodá' tleehharusmoó do' ir tleehhimamiti. Nee heé hatlá' i gawaá iihhafiiridá' in tleehhiit. Ala umuúqo heewo adór ir gawaá iihhafiiridií tleehhiti ngi alqaytsiti.

Ya/abtór hho' 1977

¹⁰ Aleesleemuudá' Mungú naa amor'eén i haniís, aníng una ar gadiyuús, ihhafiirír hhoo' ngiri qaás, ar adoodá' tleehharusmoó do' ir tleehhimamiti. Nee heé hatlá' i gawaá ihhafiiridá' i tleehhimiit. Ala umuúqo heewo ngi alqaytsimiiti adór ir tleehhiti.

1 Korinto 3:10 Iomraidhean Croise

2 QOM'I 2:12

Hiramu iri malé oó', «AAKOÓ MUNGÚ i xirfuuti, Munguú múk Israeli, kudá' doori nee yaamu gaa tleehh. Inós waawutmo Daudi gwaa garmoó sagalooár koóm haniís, nee dahar, nee tsaahharo, as AAKOÓ MUNGÚ nguwa dó' i tleehhi nee do'ós oo waawuti'iima nguwa tleehhi sleeme.

TI'INAANGW 36:4

As adoorí mukdá' sleémeero oo sagalooár koóm oo gadiyér didá' hhoohhoo' ga tleehha, gadiyeeduuín ngari geexayé', tari tláy ay amór Mose,

AXWEESANOÓ SAGALOOA 12:8

Hee kun xirfayees ar qoomoó fuquraangós, Ala heé saga gawít kun waaqaa'.

AXWEESANOÓ SAGALOOA 9:1

Sagalooa do'ós gwa tléhh, uheemaá do' ngaa tléhh a faanqw.

DAHARUSMO 12:9

Daharusmoodá' dinkwa nee sagalooár i kona inós muu guna intsaahhatimís xu'utiro. Inós axweesantá sagalooa ar yaariir gana alqaytsimiít nee gari aldakuút, nee gari qoomeemeés ar magahhto.

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

SEKARIA 4:9

«Dabaá Serubabeli iihhafiirír do'owí ngina qaasiyé', nee dabaawós do'owí ngun alhhe'eesiyá', kuungá' kari tsahhá' adór án AAKOÓ MUNGÚ Aleesleemusmo ira amorhúng i ya/aáw.

Matayo 24:45

«Sagadiyusmoó inkihhím nee oo sagaloó', oo aakoowós i do'ósií saayin a gaalá? As múk doó aakoowós nguwa muruú /aymár i hanmiisi ar qoomár hariima.

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

Luka 11:35

Ala ti alqaytsit, gwa/aateemaá baraawók i diriiá' mindiwa giwti tleehhiyé'.

Luka 21:8

Iri oó', «Ti haramagahhe', mutunduwa al/aáy. Asma múk yaariír ni hardah tiwa umuueénár ateetin, tawa kaahi, ‹Aníng a Kristo›, nee tawa kaahi, ‹Qooma naa tseewuúr›. Ala mi eehaarara'.

Tlehhema'aá ya/Abuuse 18:27

Inós iri waarahhamaá slaá' ar baraá tlawi ay yaamaá Akaya. Hhae nguri harakeesiyé', barwá ngiri gooiné' amór eeharuuse as kuwa dahi'isi. Inós iwa amoodá' i hardáh, mukdá' aa haratlintii', guri ló'wa alee/iimiís ar /uuruudá' Mungú aa inós i haniís.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

Rumi 15:15

Ala baraá barwaárí naa kuungá' i gooini bartakaaro aníng kuungá' nuna i xaraásl, as nuwa inslawtis daanduú kangwdá' taa qaroó axasi'i. Adoorí aníng ana tleéhh as aleesleemuudá' án naa sláw dír Mungú wa ale.

Rumi 15:20

Umuúqo daqto aníng gár ni leelehhiit a Ya/abtór hho' ngiwa alki/iit dír umuú Kristo kuwa axaasiiká, as iihhafiirír heé hatlá' aa qaás aníng mawa i tleehhiít.

1 Korinto 3:11

Asma iihhafiirír taa qaroó qaás a Yesu Kristo. Nee heé iihhafiirír hatlá' qaasaro ga aleesláw i kaahh.

1 Korinto 9:2

Ala aníng tam ya/abusmoowookahe dír múk hatlae, ala dirhunge aníng a ya/abusmo. Asma kuungá' a layar'eé' ar ga laqaqaam adór aníng tar ya/abusmoó Aako.

2 korinto 10:15

A hariímareneká atén tiwa xirfayeemisaan daanduú gadiyér múk hatlá' aa tlehhiít didár tsee/aá harki/isayrene aa waarahh. Ala gár atén ta haraxuaan a haratlintaaorhúng bira gawduúr, atén daqaní pa/aangw u slawaán oo gadiyér ak ur kawa tleehhaan dirhúng wa ale, baraá harki/isaydá' Mungú naa atén i qaasi.

Efeso 2:20

Kuungá' tunduna tleéhh gawaá iihhafiiridá' taa qaás nee ya/abuuse nee aaruuse, nee Kristo Yesu inósuú kilá' an tlaa/adá' ur ar do' ir gawduy.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

2 Timoteo 2:15

Kuúng ilakaaharu tleehheek as tawa sihhit dír geeraá Mungú i alé, tawa adór sagadiyusmoó taa ya/án nee inós, sagadiyusmoodá' gadiyeérós ga samuruumitaaká, sagadiyusmoodá' axweesantá looeema gaa intsaahhatimis ar adoodá' hariim.

Yakobo 3:1

Hhaee'eé', múk yaariír baraahunge matawa intsaahhatuuse tleehhimiít, asma a xuá' adór ateéká' intsaahhatuuse sakwasleemarén kar ló'wa úr ta tidár múk hatlae.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

2 Petro 3:15

Nee kuungá' xuaak adoorí Aako iwa qiqtlin a pa/ángw ba/ama ngu dirhúngií hanmiis. Tam hhiyaarén, kuduú sla'aarusmo, Paulo, adoorí sleeme ngaa gooín amorhúng i alé. Inós kuna geeraharahaár nee sagalooadá' aa dír Mungú wa sláy.

Geehhoeemaá 21:14

Koo/ír gixsadá' gaa harwet kana iihhaáf ar tlaa/aá mibaá nee tsár. Nee gawaá tla/uká' mibaá nee tsare umér ya/abuuseedá' mibaá nee tsár ar Deelmoó bee/i kana gooín.

Geehhoeemaá 21:19

Nee tlaa/eedá' koo/ír gixsa kara iihhaáf kaa parootuús ar tlaa/eedá' tlaxo uren awa da'aweemaá dimbadimbé. Tlaa/anoó geera oo iihhafiiri a yaspi, oo tsár a yakútír sirboo/, oo tám a kalkedóni, oo tsiyáhh a sumarídi,