1 Korinto 2:9 - Biblía Axweesantá Hhohho' ar Mungú 2004

⁹ Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

Ya/abtór hho' 1977

⁹ Sagalooarí an tidá' Gooi i kat gídaabá, “Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunáwose, gaarí an tidá' Mungú aa amohhe'eés as mukdá' inós gu slaá'.”

1 Korinto 2:9 Iomraidhean Croise

WARA'AMI 31:19

Hhooeemaawók adór kir úr, kudá' taa qás as mukdá' kuúng u ilaiwawaá/, kudá' taa tléhh dír mukdá' kuúng u i gogoowa, dír geeraá muko.

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 65:17

«Ga/aawaak, dooraá /aben nee yaamaá /aben i tlehhiít, muruú aáng ku male inslayká, sleeme u iitleesaaká.

Matayo 20:23

Yesu giri báy, «Xooslmoodá' án ni wah, uqo watá', ala kángw kuungá' tawa iwita' heeqá' dakw'eé' oo doó /iyáy, kuqá' dakw'eé' oo doó basáy, kangwsíng a kwe'eeneeká. Ala kiteeridá' ki haniis dír mukdá' kisa amohhe'eés nee Baabuúeé'.»

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Yohana 3:16

Asma Mungú múk baraaká' yaamu guna ló'wa slaá', tam Garmaawós oo kilós nguri haniís, as umuúqo heewo oo inós gwa haratlintii', miwa qwaár, ala masók slafíngw alhhe'eesay wásl gun sláy.

Rumi 8:28

Atén a xuaán adór dír mukdá' Munguú sla'a, mura' sleémeero tir alee/iimiisi, as mukdá' nguwa muruú hhó' i slaslay. Mukwí an kudá' Mungú aa ateét ar sla'aarirós ar kilá'.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

1 Yohana 4:19

Atén Mungú un sla'aán, asma inós atén tina slaá' geerií ale.