1 Korinto 2:15 - Biblía Axweesantá Hhohho' ar Mungú 2004

¹⁵ Ala heedaádá' Qeeruú Mungú gu koóm, inós mura' sleémeero tsaahharo gu aleesláy. Ala heé inós tsaahharo gu aleesláw i kaahh.

Ya/abtór hho' 1977

¹⁵ Ala heedaádá' Qeeruú Mungú gu koóm, inós mura' sleémeero tsaahharo gu aleesláy. Ala heé inós tsaahharo gu aleesláw i kaahh.

1 Korinto 2:15 Iomraidhean Croise

2 SAMUELI 14:17

Anír sagadiyuso'oorók ana baraá muunaáeé' oó', ‹Axweesantá aakooeé' waawutmo in waydií hanís baraá muunaáeene.› Asma kuúng aakooeé' waawutámo, kuúng a adór malaykamoó Mungú baraá tsaahhár muruú hhó' nee oo tlakwe. AAKOÓ MUNGÚ, Munguúwók, masók a dinkwa nee kuúng.»

WARA'AMI 25:14

AAKOÓ MUNGÚ a mulqumoó mukdá' inós gu ilaiwawaá/, nee inós giri intsaahhatimis dabér alqaduuwose.

AXWEESANOÓ SAGALOOA 28:5

Múk tlákw sakwasleemár ganaa' ga tsaahhiiká, Ala mukdá' sleémeero AAKOÓ MUNGÚ gu leelehhiít sleémeero ga tsaahh.

DAHARUSMO 8:5

Heé hara'aya ga iialooemiís nee gár tlaakw ti doogiiaaká, nee heé sagaloó' qooma ga xuu' nee kwasleemár ganaa'.

Yohana 7:17

Hee barnaxes sla'aarír kudá' aníng iga ya/aaw gaa ya/án tleehhamooro, kángw intsaahhastadá' daqaní gu tsaahh, áx amór i dahh a amór Mungúhe, laqaá án kilooeé' an axweés.

Tlehhema'aá ya/Abuuse 16:3

Paulo Timoteo guna slaá' tiwa alkona'. Gurir tláy, guri al/uútl, as múk Yahudi oo amoodí dirií', asma sleémeero ka xuu' adór baabuúwós tar heé Yunani.

1 Korinto 14:37

Hee barnaxes ti kilós tsatsahhán iwa kaahi, «Aníng a aarusmo», laqaá, «Aníng a heé aleesleemuú Qeeru gu koóm», inós gár kuwa hariím axweesanay'eé' kwí naa dirhúngií gooiím masók gun tsaahh adór tar hara'ayár Aako.

1 Korinto 3:1

Ala hhaee'eé', aníng niwa axweés dirhúngií alé, aga aleeslawiiká niwa axwees ar adoodár /iisí nir axweemaamiis dír múk Qeeruú kooma. Ala ana dirhúngií axweés ar adoodá' nir axweemaamiis dír múk Qeeruú koomaakahe, nee ar adoodá' nir axweemaamiis dír na/aá ninakw baraá Kristowo.

1 Korinto 4:5

Gawaá adoorihe hee mu gaanslár sakwasleemuutara', ay dír Aako nay hardihi. Inós muruudá' taa luú/ baraá giwti, ngun geehhooatis dír gwa/aátií alé, nee inslawoó munér muu nguri geehhoatis. Daqaní umuúqo heewo xirfuudá' inós wa hariím gu sláy dír Munguhe.

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.

Filipi 1:10

as kahhó' kuungá' gár hhoó' tsawaararo kawa aleesleera'. Daqaní kuungá' a múk taa hhoohhooeés nee oo xaslxaanslír koomaaká bál deeloodár Kristo birna hardát.

Kolosai 1:9

Gawaá adoorihe iimír kaangwí kuwa axaasaán, atén kuungá' naa mawaaniiká aleefirooro. An firiiriimaán as Mungú nuwa sagalooárí haniisi nee aleesleemuú amór Qeeruú hhoohhoó' oo Mungú daáhh, as sla'aarirós kawa tsaahha hhe'esa'.

1 Tesalonike 5:21

Mura' sleémeero iiaraagáy, oo hhó' ku otá'.

Ebrania 5:14

Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh partlituuwo.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.