1 Korinto 2:13 - Biblía Axweesantá Hhohho' ar Mungú 2004

¹³ Qoomár atén kaangwí bur axweesaán, u axweesanaaká ar axweesanoó sagalooár muu, ala un axweesaán ar axweesanaydá' Qeeru naa atén i intsaahhatimís. Asma atén muruú Qeeru un axweesaán ar axweesanoó Qeeru.

Ya/abtór hho' 1977

¹³ Qoomár atén iidíguuwí bur axweesaán, u axweesanaaká ar axweesanoó sagalooár muu, ala un axweesaán ar axweesanaydá' Qeeru naa atén i intsaahhatimís. Asma atén muruudá' oo Qeeru un axweesaán ar axweesanoó Qeeru.

1 Korinto 2:13 Iomraidhean Croise

Luka 12:12

Asma siiwadae Qeeruú hhoohhoó' oo Mungú kuungá' nu intsaahhatis tidá' hariim ooaro.»

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

1 Korinto 1:17

Asma Kristo aníng iga ya/aawiiká as niwa baatimiis, ala ina ya/aáw as Ya/abtór hho' ngiwa alki/iit. Ala a ooaaká an alki/iít ar sagalooár muu. Asma adoorí bar aga tleéhh, daqaní /uuruú msalaábár Kristo ugwa hingeés.

1 Korinto 14:2

Asma heedá' axweemamiís ar tsifrír xuawasl, inós i axweesiiká dír múk i alé, ala in axwees dír Mungú. Asma inós heé gu axamiís i kaahh. Inós muruú i axweesi a muruú lu/aaráy. Inós muruuwí gun axwees ar /uuruú Qeeruú hhoohhoó' oo Mungú.

1 Korinto 2:1

Hhaee'eé', aníng qoomár niwa hardáh amorhúng i alé, nina hardáh as kángw naaqór Mungú nguwa alki/ituú aw. Ala ngwa alki/ituú awiiká as aníng tawa heé axweesanoó baál, laqaá sagalooár muu ngiwa ar axwees.

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.

1 Korinto 2:4

Aníng axweesantá Mungú ngiwa amorhúng i alki/iít, aníng kuungá' naa afa /asliimiiká ar axweesantá sagalooár muu. Ala ngina alki/iít ar /uuruú Qeeruú Mungú.

1 Korinto 9:11

Bar atén muruú qeeru una dirhúngií dahaasaán, ala a gár hariimakáhe atén muruú slaqwa bur dirhúng wa bu'uumaán?

Efeso 5:19

Nee axweesé' kiloohúng alé ar wara'ami nee daa'ángw bara/, nee daa'ángw baraá Qeeru. Daaé' nee ta bar/á' baraá munerhunge as Aako.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.

2 Petro 1:16

Asma atén tiitár tawo ar sagalooa aga eeharaharaaniiká qoomár atén kángw /uuruú Aakoorén Yesu Kristo nguwa dirhúng i alki/iitaán, nee kángw ki/imaawós. Ala atén awa kilá' inós una araán ilaarene, nee xirfuuwós oo munguiima.