1 Korinto 16:2 - Biblía Axweesantá Hhohho' ar Mungú 2004

² Umuúqo deelór Jumapiíliro umuúqo heewo dirhunge gár kuwa hariím a ohmeedá' i haniisár wa slai gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók ohmeedá' an sangw iimu/uunda'aaká.

Ya/abtór hho' 1977

² Umuúqo deelór hungu/umaawo umuúqo heewo dirhunge gár kuwa hariím a ohomeedá' i haniisár wa slai a gan baats, ar adoodá' inós ngir slaslay. Adoorí na tlehhahhitaak, as qoomár aníng binda hardáh, masók a gídaabaheeká ohomeedá' an sangw iimu/uundá'.

1 Korinto 16:2 Iomraidhean Croise

IIMU/UUNGW 26:12

Isaka dahaasiingw guri dahaás baraá yaamudae, kurkudae iri ak bu'ún sagaáwa tsiiru. AAKOÓ MUNGÚ guri tsuúq.

IIMU/UUNGW 30:27

Ala Labani iri oó', «Pa/ángw nir ilawaats haniisang. Alaá tsaahha ngiwa sláw, aníng ngiri xuú' adór AAKOÓ MUNGÚ án ira tsuúq as kuúng.»

IIMU/UUNGW 30:30

Qoomár án niwa hardihiiká, daqaari'iimarók ka niina. Hám daxta aa doogiín, nee AAKOÓ MUNGÚ kuúng ugwa tsuúq umuúqo dír naa kawi. Hám daxta a xaylá aníng ti kilooeé' aleeslaw?»

IIMU/UUNGW 32:10

aníng a ló'wa hariimaaká hhooeemaadá' nee inkihhimuudá' sleémeero kuúng naa aníng i laqaandi, anuú sagadiyusmoowók. Asma yaaér Yordani ngiwa waaraáhh, gár ni koom i káhh, aqo har hhara kilós. Ala daxta a daqooroó tsár koóm.

IIMU/UUNGW 33:11

Na'ás, muruuwí ni hanmiis na ooheek, asma Mungú muruuwí ngwa aníng i haniís, slám aníng muruú bu'uút u koóm.» Guri harakeés nguwa ilaoohi, guri ilaaóh.

2 QOM'I 31:10

Asariya kaahamusmoó úr oo Mungú, kuduú xwaylár Sadoki, guri mu/aywaáts, «Iimír muu muruuwí huwaahubuwo nguwa iimu/ún baraá doo Mungú, muruú /aymár yaariír ugwa slawaán nee oo yaariír aa meét. AAKOÓ MUNGÚ mukós gwaa tsuuqaá yaariír i haniís, an gár muruuwí sleémeero kusa slawaán.»

Marko 14:8

/Ameenirí adoodá' aa asleér gaa tléhh. Slaqwte'eé' gaa geerií slík ar mooyaangw, asma gana amohhe'és as deelór foolar'eé'.

Luka 16:10

Heé inkihhimuú koóm baraá gár niinawe, tam baraá gár ure sleeme i inkihhimuú kón. Nee heé inkihhimuú koomaaká baraá gár niinawe, tam baraá gár ure sleeme i inkihhimuú konká.

Luka 24:1

Matlaatlér deelór Jumapiíliro, looa niwa tsiiríhh, /ameena iri amór /aantár keér, mooyangwdá' taa amohhe'eés kuri huúw.

Yohana 20:19

Bál deelór Jumapiíliro, looa iwa dát, eeharuuse i dinkwár i dirí'. Afkú do' kwaa tseék, asma múk Yahudi kuwa da'ayumiti. Yesu iri dir'íní hardáh, iri tla/angw'ín i sihhiít, giri báy, «Wayda masók i dirhúng.»

Yohana 20:26

Alaá deelo dakaát iwa waaráhh, eeharuuse i malé dinkwár i dirí' baraá do', nee Tomas i dinkwa nee inooín. Tam afkú do' kwa tseegi. Ala Yesu nay dir'íní hardáh, iri tla/angw'ín i sihhiít, giri báy, «Wayda masók i dirhúng.»

Tlehhema'aá ya/Abuuse 20:7

Deelór Jumapiíliro ana burumburiitaán as muruú /aymár Aako kuwa /ayaan. Paulo axweesantá Mungú gari alki/iít, iri kumiít axweesanto ay qoomár dakiing. Asma looár tlawa i tleemuú slaa'.

2 korinto 8:10

Gár án ni kah a tí, a tsiní dirhunge gadiyeérí kurkú /isá' taa iimu/uundé' kawa alhhe'esa' daxta. Kuungá' a múk aa giirin tleehhamooro, ala a baraá tleehhamo kiloseeká, ala sleeme ana giiriindé' kawa sla'a' tleehhamooro.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.