1 Korinto 16:18 - Biblía Axweesantá Hhohho' ar Mungú 2004

¹⁸ Asma muunaáeé' ngwa kwa/asiyé', nee tam munerhúng sleeme. Múk adór kwí inslaslaango i harín.

Ya/abtór hho' 1977

¹⁸ Asma hardahamuuín muunuúeé' ngwa gurkwa/asiyé', nee tam munerhúng sleeme. Múk adoorí gaár i xuaak.

1 Korinto 16:18 Iomraidhean Croise

AXWEESANOÓ SAGALOOA 25:13

Adoodár ma'aá tsa' i dirii'iya' qoomár tsee/amángw siiree/iro, an adór ya/abusmoó inkihhím i dirii'i, dír mukdá' inós gwa ya/aawi, asma gur'er'ín gan tse'ees.

AXWEESANOÓ SAGALOOA 25:25

Adoodár heé aa waxiit ma'aá tsa' ngir slai, an adór ya/abtór hho' ar ayaá saáw daahh.

Rumi 15:32

Adoorí bira hhooeér, bar Mungú ngaa slaá' aníng niqo hardáh amorhúng ar qwala/, niri hungu/uús ayaahúng.

2 korinto 7:13

Gaarí an gár atén tisa gurkwa/amís. Ala a tí kiloseeká. Atén ana ló'wa qwalaa/aán, asma adoodá' Tito iwa qwalaá/. Asma kuungá' sleémeero Tito ngwa ló'wa gurkwa/asé' baraá muunaáwose.

Kolosai 4:8

Aníng nguna ya/aáw amorhúng i alé as kuungá' kangwrén sleémeero kuwa xua', nee inós nuwa gurkwa/asi.

1 Tesalonike 5:12

Hháe, atén kuungá' nu firiimaán mukdá' baraá tla/angwhúng wa gadiyuús ilaiwawa/aak, kudá' kuungá' nu sagesihhimiitá' ar baraá Aako nee nu intsaahhatimiisá' hotaá Krishaanu'uumaro.

Filemoni 1:20

Ala hhiyaaeé', gár ni slaa' bu'utuuwo a tí, Alee/iisáng gawaá kaangwihe ar loohír hariím baraá Aakoowo. Muunaáeé' qwal/aseek ar baraá Kristo.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 13:7

Kuungá' geeraharuuserhúng inslawaak, tidá' axweesantá Mungú ngaa dirhúng i alki/it. Slafingw'ín kuungá' inslawaak adór inooín tara hoót, nee adór tara qaátl, haratlintaaor'ín na eeharaak.

3 Yohana 1:4

Qwal/uú úr oo kwí gu baá/ i kaahh, kwí naa axaás tawa kaahi, «Na/iieé' i baraá looeemaá wa hootiyá'.»