1 Korinto 16:15 - Biblía Axweesantá Hhohho' ar Mungú 2004

¹⁵ Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

Ya/abtór hho' 1977

¹⁵ Nee slám hháe, kuungá' iidíguú múk doó Stefana u xuá', gídaabá inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

1 Korinto 16:15 Iomraidhean Croise

Tlehhema'aá ya/Abuuse 18:12

Ala qoomár Galio tawa ga/aawusmoó yaamaá Akaya, múk Yahudi sleémeero Paulo guri i haratláy ar muunuú wák, guri huúw ay geeraá doó kwasleema.

Rumi 12:13

Kuungá' sleeme múk hhohhó' oo Mungú kuduú liitlakuuse alee/iimisaak, nee dahaaye na dahi'imisaak.

Rumi 15:25

Ala hamírihe aníng a Yerusalémúr káw, as mukdá' hhohhó' oo Mungú nguwa sagadiyuus.

Rumi 15:31

Firiirimé' as aníng tiwa ba/amisi dír dabaá mukdá' aa haratlinti'iikahe, kudá' baraá yaamaá Yudeár i dirií'. Nee slám firiirimé' as gadiyér'eé' tidá' nis Yerusalémúr kaw, kawa ya/an nee mukdá' hhohhó' oo Mungú.

Rumi 16:2

Inós ilaoohaak tawa Krishanto'ór adór kuungá'. Ilaoohaak ar adoodá' múk Mungú wa hariim. Inós umuúqo gár i sla'a dirhunge alee/iisaak. Asma inós múk yaariír gwa alee/iimaamís, tam aníng sleeme.

Rumi 16:5

Múk kríshaanáy kudá' baraá dooín wa saalaaliím intsihhiisaak sleeme. Epaineto, sla'aarusmooeé', intsihhiisaak. Inós baraá yaamaá Asiaro a heé Kristo gwa geerí ya/an.

1 Korinto 1:16

(Nee slám múk doó Stefana una baatimiís. Ala heé hatlá' oo naa baatiís u xuaaká.)

1 Korinto 16:1

Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

1 Korinto 16:17

Aníng a qwalalaá/ asma Stefana nee Fortunato nee Akaiko naa amoorí hardihiyé'. Asma gadaádá' aníng iga wa /aaruur as adoodá' kuungá' tawa kahha', inooín ngaa haniisiyé'.

2 korinto 8:4

Inooín atén tina harhheehhe'eemisiyé' nee tiri firiné' as inooín sleeme qwal/uudá' kuwa slay oo alee/isaydá' kuwa haniisi dír múk hhohhó' oo Mungú.

2 korinto 9:1

Geeraawo a gár hariimaaká barwá ngiwa gooiim amorhúngií alé as daanduú ohmeedá' ta haniisi tawa alee/isoó múk hhohhó' oo Mungú.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

1 Petro 4:10

Kuungá' ti kiloohúng sagadiyuumise' ar adoodá' Qeeruú hhoohhoó' oo Mungú umuúqo heewo ngura aleesleemuú i haniís, kuungá' masók a adór sagadiyuusér hho' ar tsuuqaá dimbadimbé awa Mungú gaa sleer.

Geehhoeemaá 14:4

Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.