1 Korinto 16:14 - Biblía Axweesantá Hhohho' ar Mungú 2004

¹⁴ Muruuhúng sleémeero tlehhiitaak ar baraá sla'aari.

Ya/abtór hho' 1977

¹⁴ Muruuhúng sleémeero tlehhiitaak ar baraá sla'aari.

1 Korinto 16:14 Iomraidhean Croise

Yohana 15:17

Tí ngin dirhúng i hara'ayiyiím, ‹Ti sla'aaslae'.› »

Rumi 14:15

Kuúng barnaxes hhiyaawók ugwa gurhaamír i qás ar muruú /aymár ta /ak, daqaní kuúng a baraá sla'aarír wa hotká. Muruú /aymaarók hhiyaawók munguwa qwaareés, asma Yesu hhiyaawók kudá' guna sa gwaá'.

1 Korinto 12:31

Ala kuungá' aleesleemuudá' ak afhhamít na leelehhiitaak. Nee aníng loohír ak hhoo' ngi kuungá' i laqaám.

1 Korinto 14:1

Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

Galatia 5:22

Ala gár Qeeru i laqwaali baraá slafíngw heewo a sla'aari, nee qwala/, nee wayda, nee qitla, nee hhooeema, nee gurhhooa, nee inkihhimu,

1 Tesalonike 3:12

Aako inósuú kilá' sla'aarirhúng ngi ak doogi tiwa kiloohúng sla'asla'a', nee muu sleémeero kuwa sla'a', adoodá' atén kuungá' nur sla'aan.

1 Tesalonike 3:6

Ala Timoteo niwa amorhúng wa wayaá', kángw hhó' oo haratlintaaorhúng nguri huúw, nee oo sla'aarirhúng. Atén tina ádbáy adór kuungá' atén tir ló'wa inslasleerá' umuúqo daqto, nee ti artá wa sla'á' adoorír atén kuungá' nur artá wa sla'aan.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

Ebrania 13:4

Muu sleémeero duuxo ngi ilaiwawa/i. Hhawaata nee hareerós masók a múk inkihhimuú koóm baraá duuxor'ine. Asma Mungú fuquuse nee tsaatuuseero gi sakwasleemuut.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

2 Petro 1:7

nee baraá ilaiwa/amerhunge sla'aarír hhae doogaak, nee baraá sla'aarír hhaeewo sla'aarír muu sleémeero doogaak.