1 Korinto 16:1 - Biblía Axweesantá Hhohho' ar Mungú 2004

¹ Daanduú ohme as múk hhohhó' oo Mungú, kuungá' gár tunduwa hariím adoodá' án naa hara'ayiím dír múk kríshaanáy oo yaamaá Galatia an tlehhá'.

Ya/abtór hho' 1977

¹ Daanduú iidíguuduú ohome as múk hhohhó' oo Mungú, kuungá' gár tunduwa hariím an tlehhá' adoodá' án na hara'ayiím dír múk Kríshaanáy oo yaamaá Galatia.

1 Korinto 16:1 Iomraidhean Croise

Tlehhema'aá ya/Abuuse 11:28

Oo wák tla/angw'ine ku babay Agabo, iri sihhiít iri oó' ar /uuruú Qeeruú hhoohhoó' oo Mungú, iwa kaahi, giyér yaariir ni tleér baraá yaamu sleémeerowo. Giyeérí niri tleér qoomár Klaudio tawa waawutmoó múk Roma.

Tlehhema'aá ya/Abuuse 11:30

Adoodá' taa al'axweés, kari tleéhh. Barnaba nee Saulo kiri ya/aáw, as alee/isaydá' kuwa huwi amór bariiseedár baraá yaamaá Yudéár i dirii'.

Tlehhema'aá ya/Abuuse 16:6

Tari waaraáhh ar baraá yaamaá Frigia nee Galatia. Qeeruú hhoohhoó' oo Mungú gaa aleeya/aniká axweesantá Mungú kawa alki/iiti baraá yaamaá Asiaro.

Tlehhema'aá ya/Abuuse 18:23

Iwa amoodá' wa hoót deelór niinawe, iri malé tláy, iri waaraáhh ar tla/ángw yaamaá Galatia nee Frigia, inós eeharuuse sleémeero gari alee/iimiís /uuru nguwa sleer baraá haratlintaaooro umuúqo gixsaro.

Tlehhema'aá ya/Abuuse 24:17

«Aníng kureeraá yaariire a kaáhh Yerusalemuwo, aluuwo niri kií/, as xooror'eé' ngiwa alee/iisáy i huuw, nee as ilahhooar'eé' ngiwa haniisár aw.

Tlehhema'aá ya/Abuuse 9:13

Ala Anania iri oó', «Aáko, kángw heesíng aníng ugwa axmamiís dír múk yaariire, adór heewí muruú tlákw ngura tlehhahhiít dír mukók oo hhohhó' oo baraá Yerusalemuro.

Tlehhema'aá ya/Abuuse 9:41

Gari dawa óh, gari sihhitís. Múk Mungú nee /ameenár kwaeeli giri ateét, /ameenidá' gana geeraaín i qaás ka saxamaar.

Rumi 12:13

Kuungá' sleeme múk hhohhó' oo Mungú kuduú liitlakuuse alee/iimisaak, nee dahaaye na dahi'imisaak.

1 Korinto 11:34

Ala hee barnaxes i qwariit, i /ayin dír do'ós wa alé, as burumburimituuhúng mindiwa sakwasleemár ar kií/. Nee muruudá' aa meet aníng binda amorhúngí hardáh ngu hara'ayiím.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

1 Korinto 4:17

Asma gaarí an gár Timoteo ngusa amorhúngií ya/aáw. Inós an garmaaeé' kuduú sla'aarusmo nee oo inkihhím baraá Aakoowo. Inós kuungá' nu inslawtis daanduú lohuueé' awa baraá Kristo Yesuwo, kudá' ni intsaahhatimis umuúqo diiro dír múk kríshaanayhe.

Galatia 1:2

Aníng nee hhae sleémeero kudá' diirí diriiá' barwaárí ngina gooiimaán amór múk kríshaanáy sleémeero oo baraá yaamaá Galatia.

Galatia 2:10

Ala gár wák kilós ngina ooiyé', iwa kaahiya', «Múk narkuute alee/iimisaak.» Nee gaarí a gár án ni tlehhaahhiit ló'wa ale.

Filemoni 1:5

asma kángw sla'aarirók u axamiís nee haratlintaaór ta koon dír Aako Yesuwo nee dír múk hhohhó' sleémeerowo.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

1 Yohana 3:17

Ala heé muruú baraaká' yaamu gu koóm, bar hhiyaawós oo gár koomaaká gun tawó ga/áy, ala gu alee/iimisiiká, xáy sla'aarír Mungú iqo deéro baraá heé adoorihe?