1 Korinto 15:54 - Biblía Axweesantá Hhohho' ar Mungú 2004

⁵⁴ Ala slaqwtí hhitiruumiit qoomár bira warqeér tawa slaqwtá hhitiruutaaká, nee slaqwtí gwagwa'aam qoomár bira warqeér tawa slaqwtá gwagwa'aamaaká, daqaní axweesantí Gooi i kat aa bó/, tí kah, «Gwa'ara kaa guú/, arba/ati kaa sláy.»

Ya/abtór hho' 1977

⁵⁴ Ala slaqwtí hhitiruumiit qoomár bira warqeér tawa slaqwtá hhitiruutaaká, nee slaqwtí gwagwa'aam qoomár bira warqeér tawa slaqwtá gwagwa'aamaaká, daqaní axweesantí Gooi i kat aa bó/, tí kah gídaabá, “Gwa'ara kaa guú/, arba/ati kaa sláy.”

1 Korinto 15:54 Iomraidhean Croise

ISAYA 25:8

Aakoó MUNGÚ gwa'ara gan hingees ay kureeraá kureér. Inós hhirhheeri gin fiits gawaá ilaá muu sleémeerowo, nee mureekeesoó mukós gun hingees baraá yaamu sleémeerowo. Asma AAKOÓ MUNGÚ adoorí gaa oó'.

Luka 20:36

Slám ta malé qatliiká, asma inooín a adór malayke, nee inooín a na/aá Mungú, asma tawa múk naa waaslee/.

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 6:12

Gawaá adoorihe kuungá' ma ya/aamara' tlakweema slaqoohúng kuká' qatlá' ngiwa baaliya', nee ilatleerír slaqwa kawa eeharahada'.

Rumi 8:11

Mungú Yesu guna waaslee/atís baraá múk aa qaátl wa ale ar Qeeruuwós. Nee Qeeruuwós bir baraahúng wa hoot, inós slaqoohúng sleeme, kudá' gwa'ara, gi waaslee/atis ar Qeeruudá' baraahúng wa hoót, ar adoodá' Kristo ngura waaslee/atís.

2 korinto 4:11

Baraá slafiingwrén sleémeerowo atén tin amór gwa'arár i hanmiis umuúqo daqto as Yesu, as masók slafiingós i geehhoouy ar baraá slaqoorén kuká' qatlá'.

2 korinto 5:4

Ala qoomaarí atén tawa baraá heémaarír slaqooká' wa hootaan, atén an /ifaán as huwaarí iiloo' ar ta gagariimaan. Asma slaqooká' qaren i sla'aanaaká kiwa duuxaan. Ala slaqoodá' /aben i sla'aán kiwa dahaasaan daanduú kudá' qarén wa ale, as gwa'ara kawa gu/i nee slafiingw.

2 Tesalonike 1:10

Adoorí in tleehharút deeloodá' ure, qoomár inós binda hardáh as inós kuwa diidi'iimisi nee mukós kudá' hhohhó', kuri xirfayemiis nee mukdá' sleémeero oo inós gwa haratlintii'. Kuungá' sleeme a deer baraadae, asma kuungá' lamabu'ungwrén una haratlintié'.

Geehhoeemaá 20:14

Gwa'ara nee gi'iiwo kiri kwaáhh baraá tlawtadá' asla iwa ohahiin. Tlawtí asla iwa ohahiin an gwa'arár tsár.

Geehhoeemaá 21:4

Inós hhirhheeri sleémeero gi fiits gawaá ilaaine. Nee slám gwa'ara didae i káhh, tam tsuunqumis, nee tam /aa/e, nee slahh'eemis sleeme i kaahh. Asma muruuduú geera aa qaroó waaraáhh.»