1 Korinto 15:50 - Biblía Axweesantá Hhohho' ar Mungú 2004

⁵⁰ Hhaee'eé', gár án ni kah a tí, slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

Ya/abtór hho' 1977

⁵⁰ Hhaee'eé', gár án ni kah a tí gídaabá. Slaqwtadár baraaká' yaamu, tidá' taa tleéhh ar fu'unaay nee tseere, waawuti'iimár Mungú ga alká. Slám tidá' hhitiruut muruú hhitiruutaaká gu alká.

1 Korinto 15:50 Iomraidhean Croise

Matayo 16:17

Yesu iri oó', «Símon, garmoó Yona, kuúng a heé amohhoó', asma kaangwí heé ngwa dirók i xu'utis i kaahh, ala aqo Baabuúeé' kuduú gawaá doorí dirií'.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

1 Korinto 1:12

Gár án ni kah a tí, «Baraahunge heeko i kaahi, ‹Aníng a heé Paulo.› Kuqá' i kaahi, ‹Aníng a heé Apolo.› Nee oo hatlá' i kaahi, ‹Aníng a heé Kefa.› Nee kuqá' i kaahi, ‹Aníng a heé Kristo.› »

1 Korinto 15:42

Waasle/uú múk aa qaatl sleeme an adoorí. Slaqwa kan baraá hhapérí fool adoodár ilmo kur dahaasi. Slaqwtadá' taa foól a slaqwtá hhitiruut, tidá' waaslee/ a slaqwtadá' hhitiruutaaká.

1 Korinto 15:44

Slaqwtadá' taa foól a tidá' hee kura tleéhh, tidá' waaslee/ a slaqwtá qeeru. Ala bar slaqwtadá' hee kura tleéhh i deer, slaqwtá qeeru i deer sleeme.

1 Korinto 6:10

nee tam fisuuse, laqaá qahuuse, laqaá ooniituuse, laqaá múk /ooslisliím nee laqaá múk aa dee/aanuut.

1 Korinto 6:13

Kuungá' a kata', «Muruú /ayma oo gura', nee gura' oo muruú /ayma.» Adoosíng ar ló', ala Mungú looarka wake muruuwí tsaraawo sleémeero gu qwaarees. Slaqwa kaa tleehhiiká as fuqi, ala slaqwa ar Aako, nee inós an Aakoó slaqwa sleeme.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

1 Korinto 7:29

Ala hhaee'eé', aníng gár ni kah a tí, qooma daxta aa niinawuúr. Ala iimír hamí mukdá' aa duuxuxun masók a adór múk aa duuxuxunká.

2 korinto 5:1

Asma atén a xuaán heémaarén tí tawa hootaan baraaká' yaamuwo, bira hhitirút, atén do' u koomaán gawaá dooriwo, kudaádá' Mungú aa tleéhh. Do'wí a doó alhhe'eesay wásl, oo taa tleehhiiká ar dabaá muu.

2 korinto 9:6

Kuungá' adoorí inslawaak, «Heé dahaasíngw niiná qamiím, inós bu'úngw i slay sleeme ku niiná. Nee heé dahaasíngw yaariír qamiím, inós bu'úngw i slay sleeme ku úr.»

Galatia 3:17

Gár án ni kah a tí, «Alqado kaa qaroó tleéhh iimír aáng wa ale nee Mungú. Hara'aya niri hardát alaá kureeraá tsiire tsiyáhh nee mibeeri tám. Ala gawaá adoorihe hara'ayaarí alqadoodá' warqeesaro ga aleesleeraaká, nee tam al'axweesantadá' ngiwa hinges, tidá' taa qaroó geerií oó'.»

Galatia 5:16

Ala gár án ni kah a tí, Qeeruú Mungú slafingwhúng ngu geerahaari, daqaní kuungá' nu aleesleemuú i haniis oo kángw slaqwa i sla' kuwa sia'.

Efeso 4:17

Gawaá adoorihe án kuungá' nun baw, slám nun gurbu'uúm kángw kilá' wa ale ar baraá umuú Aako, ma kumiitara' tawa hota' adór múk xoordaá hatlá' ar alé. Asma inooín inslaway'ín a tawo,

Kolosai 2:4

Tí án ngina dirhúngií oó' as kahhó' hee munduwa al/aáy ar axweesanoó tawo oo lama.

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.