1 Korinto 15:45 - Biblía Axweesantá Hhohho' ar Mungú 2004

⁴⁵ Adoorí an adoodá' Gooi i kat sleeme, «Heeduú geera, Adam, inós kuna slaqwtá slaáf i haniís.» Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

Ya/abtór hho' 1977

⁴⁵ Adoorí an adoodá' Gooi i kat sleeme gídaabá, “Heeduú geera, Adamu, inós kuna slaqwtá slaáf i haniís.” Ala Adamuduú alhhe'eesaay inós aa Qeeru tleehhiít, kudá' slafíngw hanmiís.

1 Korinto 15:45 Iomraidhean Croise

IIMU/UUNGW 2:7

AAKOÓ Mungú hee guri tleéhh ar hhape, guri hiinsluú slafíngw i ufaáhh, hee tari heé slaáf.

Yohana 1:4

Slafíngw alhhe'eesay wásl in baraawós i dirii', nee slafingwí an gwa/aateemaá muu sleémeero.

Yohana 10:10

Fisusmo gár nis hardihi a fiiso nee tsu/uta nee hhita. Án nina hardáh as slafiingw nguwa slaya', nee slafingwdá' iri kumamiit.

Yohana 10:28

Aníng u slafíngw alhhe'eesay wásl i haniís, nee inós i baloó qwaariiká. Slám heé gu gawaá dakw'eé' wa hayóh i kaahh.

Yohana 14:19

Deelór aa met ka ureeká, aníng múk aa haratlintii'iiká i malé ariiká, ala án kuungá' i aandá', asma án a slaáf, nee kuungá' a slafá'.

Yohana 14:6

Yesu iri oó', «Aníng an loohi nee looeema nee slafiingw. Heé naa dir'ér oohiiká, i amór Baabá i hardihiiká.

Yohana 4:10

Yesu gari báy, «Kiíng geera bar gurtleemuú Mungú ugwa xú', slám geera heewí kiíng i babáw, ‹Ma'aá wahaango qawáng,› bura xú', geera alók inós ugwa firiín, inós geera ma'aá slafíngw koomá' ngi haniis.»

Yohana 4:14

Ala umuúqo heewo oo ma'ayká' aníng ni haniis gi wáh, i baloó waxiitiiká. Asma ma'aydá' án ni haniis ni kutltá ma'aá slafiingw tleehhitiyá', niri baraawós wa ti'imiitiyá', slafíngw alhhe'eesay wásl nguri huwiyá'.»

Yohana 5:21

Asma adoodá' Baabá tu'u ngir waaslee/atimisi nee ngir slafimisi, Garma sleeme mukdá' inós aa tsawaár, gun slafimis.

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:54

Heé slaqwte'eé' ga /aáy, nee oo tseerer'eé' ga wáh, slafíngw alhhe'eesay wásl gu kón. Nee án u waasle/atís bál deelór alhhe'eesaywo.

Yohana 6:57

Asma adoodá' Baabuúeé' kudá' slaáf aníng ira ya/aáw, nee aníng a slaáf as Baabá, gawaá adoorihe heé aníng iga /aay i slaaf sleeme as aníng.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Yohana 6:68

Simon Petro Yesu guri báy, «Aáko, amór ta kawaan a amór heemá? Asma kuúng axweesantá slafíngw alhhe'eesay wásl a koón.

Tlehhema'aá ya/Abuuse 3:15

Kudá' úr oo slafiingw kuri gasé', ala Mungú guri waasle/atís baraá múk aa qaátl wa ale, nee atén a lamabu'uusér waasle/uuwí.

Rumi 5:17

Asma gwa'ara pa/aangw guna sleér oo ir waawuti'ii'iin as heedaádá' wák, asma inós ina huú' baraá tlakweemaá i alé. Gawaá adoorihe mukdá' gurtleemuú Mungú gwa slay, in ak slaaf nee iwa waawuti'ii'in ar loohír kudá' wák Yesu Kristo. Asma inooín kaa gan'amuú i harafaár as gurtleemuudá' ló'wa úr oo Mungú.

Rumi 5:21

Gawaá adoorihe, adoodá' tlakweema nira baaliné' ar loohír gwa'ara, adoorí an adór gurtleemuú Mungú ir baalin ar loohír gan'amu, slafíngw alhhe'eesay wásl nguri huuw ar loohír Yesu Kristo, Aakoorén.

Rumi 8:2

Asma hara'ayaadár Qeeruú Mungú, an tidár slafíngw huwahuuw. Hara'ayaarí baraá Kristo Yesuwo aníng iga gwét dír hara'ayaadár tlakweemaawo nee dír gwa'araaro.

1 Korinto 15:46

Ala slaqwtadá' ar qeeru, inós i giiriindaaká, ala slaqwtadá' hee kura tleéhh in giiriín, aluuwo tidár qeeru niri hardát.

Filipi 3:21

Inós slaqoorén kuká' hhitiruutá' giri warqees nee tari adór slaqwtós tidár xirfuú koom. Inós adoorí tleehhamooro ga aleesláy. Asma inós /uuru gu kón oo mura' sleémeero nguwa qaasi baraá aleesleemuuwós i alé.

Kolosai 3:4

Kristo a slafingwhúng oo ló'. Inós bál binda male geehhooúy, kuungá' daqaní a geehhoouurá' dinkwa nee inós ar baraá xirif.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

Geehhoeemaá 16:3

Malaykamoó tsár slooqomoowós guri ku'uús baraá tlawi. Nee ma'aá tlawi niri tseere tleehhitiyé' adór tseerér heé aa gwaa'. Nee mura' sleémeero kudaádá' slaáf oo baraá tlawi iri qaátl.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 22:1

Aluuwo malaykamoodá' yaaér ma'aá slafíngw koom ngiri laqán. Yaaeedá' ma'aywós i gwa/aatiyá' adór looa. Yaaeerí dír niwa wa/amiin a baraá kitangwduú aleesleemu oo Mungú nee oo Deelmoó bee/i,

Geehhoeemaá 22:17

Qeeru nee dasiidá' ta duxuuti ta kaahi, «Qwaláng.» Nee heé adoodá' gaa axaas i ooi, «Qwaláng.» Nee heé aa waxiit ni hardihi, nee umuúqo heé ma'aá slafiingw gi slaá' ngi taataahhi awa bu'utu wasl.